Առնվազն 7 մարդ մահացել է, ավելի քան 20-ը վնասվածքներ են ստացել այն բանից հետո, երբ Հնդկաստանի հյուսիսարեւելյան Ասամ նահանգում ուղեւորներով ավտոբուսը կամրջից ընկել է գետը՝ տեղեկացնում է ANI գործակալությունը։
Ըստ տվյալների՝ վթարը տեղի է ունեցել Գուվախատի եւ Մակալմուա բնակավայրերի մոտակայքում։ Նախնական վարկածով՝ վարորդը ճանապարհի դժվարանցանելի հատվածում կորցրել է կառավարումը, ինչից հետո ավտոբուսը, կոտրելով պատնեշը, ընկել է կամրջից։
Նշվում է, որ ավտոբուսը պատկանում է պետական տրանսպորտային մի ընկերության։ Այլ մանրամասներ չեն հաղորդվում։