Ֆրանսիայի ԱԳՆ-ը պահանջել է սաուդցի լրագրող Ջամալ Հաշքաջիի մահվան սպառիչ հետաքննություն իրականացնել՝ տեղեկացնում է RT-ն։
«Շատ հարցեր անպատասխան են մնում, եւ դրանք մանրամասն հետաքննության կարիք ունեն, որ մեղավորները բացահայտվեն, եւ վստահություն լինի, որ նրանք կպատժվեն։ Ֆրանսիան նորից է հայտարարում, որ Սաուդյան Արաբիայից այս ուղղությամբ գործողություններ է ակնկալում»,- ասվում է ֆրանսիական հաստատության տեղեկատվությանմեջ։
Ավելի վաղ Գերմանիան էր հայտարարել, որ սպանության հետաքննության մասին Սաուդյան Արաբիայի տված տեղեկատվությունը բավարար չէ։
Հաշքաջին հոկտեմբերի 2-ին փաստաթղթեր վավերացնելու համար մտել էր Թուրքիայում Սաուդյան Արաբիայի հյուպատոսություն եւ անհետացել։ Կարծիք կա, որ նրան այնտեղ սպանել են՝ Էր Ռիադի դեմ քննադատական հոդվածներ գրելու համար։ Սաուդյան Արաբիան այդ ամենը հերքում է։
Այս գործով ձերբակալվել է 18 մարդ, ովքեր հարցաքննվում են։ Սաուդյան իշխանությունները հայտարարում են, թե ձգտում են բացահայտել ճշմարտությունը, սակայն մինչ այդ նրանք պնդում էին, որ լրագրողը հյուպատոսությունից դուրս գալուց հետո է անհետացել։