News
Լրահոս
News
Չորեքշաբթի
Հունվար 16
Տեսնել լրահոսը

Հայաստանում ընտրական ինստիտուտի վերականգնումը մեր ամենակարեւոր առաքելությունն է: Այս մասին, հոկտեմբերի 20-ին, Լիբանանի հայ համայնքի ներկայացուցիչների հետ հանդիպման ժամանակ նշել է ՀՀ վարչապետի պաշտոնակատար Նիկոլ Փաշինյանը:

Նա, մասնավորապես, նշել է.

«Ուզում եմ երկու բառով ասել, թե ինչ ենք ուզում անել, եւ որոնք են այն առանցքային փոփոխությունները, որ պիտի տեղի ունենան կամ տեղի են ունենում Հայաստանում:

Առաջինը եւ ամենակարեւորը ժողովրդավարությունն է, որը մեզ համար ուղղակի տեսական դրույթ չէ. շատ կարեւոր է ժողովրդավարության անհատական ընկալումը: Կարելի է շատ քննարկել, թե ինչն էր պատճառը, որ, այնուամենայնիվ, Հայաստանի քաղաքացիները ոտքի կանգնեցին եւ որոշեցին իրականացնել այդ փոփոխությունները, կարելի է բերել տնտեսական, սոցիալական, իրավական պատճառներ:

Բայց կարծում եմ, որ Հայաստանի ժողովրդի եւ քաղաքացիների ամենամեծ պահանջը հարգված լինելն էր սեփական երկրում եւ արհամարհված չլինելը: Սա ամենակարեւորն էր, որ Հայաստանի քաղաքացիները, Հայաստանում ապրող մարդիկ, Հայաստանի ժողովուրդը պահանջում են իշխանություններից եւ պահանջելու են ցանկացած իշխանությունից, որովհետեւ հատկապես մենք` հայերս, ինքնասիրության առանձնահատուկ զգացում ունենք, եւ ժողովրդի ակնկալած հարգանքն իշխանությունից ամենակարեւոր գործոնն է, որ բերեց փոփոխությունների:

Մեր ամենակարեւոր առաքելությունը համարում եմ, որ ՀՀ-ում ժողովուրդն իրեն հարգված զգա, եւ ընդհանրապես հայ ժողովուրդը վստահի ինքն իրեն, իր ուժերին, ինքնավստահություն ձեռք բերի, որ մեզ համար չկան անլուծելի խնդիրներ:

Պարզապես պետք է կարողանանք համախմբել մեր համազգային ներուժը, ձեւակերպել եւ հստակեցնել մեր համազգային օրակարգը եւ յուրաքանչուրս մեր տեղում, մեր չափով մեր ջանքը բերենք այդ օրակարգի իրականացմանը: Այդ առումով եմ շատ կարեւոր համարում ժողովրդավարության հաստատումը Հայաստանում:

Նախկինում որպես ընդդիմադիր քաղաքական գործիչ մի քանի անգամ ասել եմ, հիմա ցանկանում եմ ՀՀ վարչապետի կարգավիճակում կրկնել. մենք հիմա ունենք ժողովրդի վստահությունը, ներկայացնում ենք ՀՀ-ն` լինելով ՀՀ իշխանություն եւ երբ հասնենք որոշակի ազատությունների, մարդկանց իրավունքների պաշտպանության եւ պահպանության, անկախ դատական համակարգ ստեղծենք, տնտեսական, քաղաքական հաջողությունների, այս պարագայում ես ավարտված չեմ համարի հեղափոխության առաքելությունը եւ մեր առաքելությունը:

Ինձ համար, իմ եւ մեր քաղաքական թիմի ընկալմամբ մեր առաքելությունը իրականացված կարող ենք համարել, որ երբ ազատ, արդար, ժողովրդավարական ընտրություններով հասնենք իշխանության, կամ հասել ենք իշխանության ժողովրդի ազատ կամարտահայտմամբ, այնպես էլ ժողովրդի ազատ կամարտահայտմամբ կարողանանք հեռանալ իշխանությունից: Սա շատ կարեւոր դրույթ է, որովհետեւ, ի վերջո, կարեւոր է, որ Հայաստանի ժողովուրդն իմանա եւ հստակ գիտակցի, որ ոչ թե իշխանությունն է որոշում, թե ինչպիսի ընտրություն կատարի ինքը, այլ ժողովուրդն է որոշում, թե ինչպիսի իշխանություն ձեւավորվի Հայաստանում:

Այս առումով մենք պետք է արձանագրենք, որ Հայաստանում ընտրական ինստիտուտի վերականգնումը մեր ամենակարեւոր առաքելությունն է, եւ ՀՀ յուրաքանչյուր քաղաքացի պետք է վստահ լինի, որ իր ձայնով կարողանում է որոշում կայացնել իշխանության կերպարի շրջանակի եւ անհատների վերաբերյալ: Մնացածը բխում են սրանից եւ ծառայում են սրան»:

Տպել
Կարդացեք նաև
Ամբողջը
«Հրահրողը մենք չենք, բայց մենք փախնող տեսակ չենք». Նաիրա Զոհրաբյանը՝ ԼՀԿ-ի հետ լարվածության մասին
Եթե դահլիճում նստած է դեսպանի որդին, այստեղ կա նաեւ հարցի բարոյական կողմը…
Հանձնաժողովները ԲՀԿ-ին տալը «Իմ քայլի» կողմից բարեգործական ժեստ կամ ակցիա չէ. Նաիրա Զոհրաբյան
Նաեւ Սահմանադրությունը հստակ արձանագրում է, որ ԱԺ երեք փոխնախագահներից մեկը անպայման պետք է լինի ընդդիմությունից…
Հայաստանի իշխանությունները լրատվամիջոցների ակտիվ մոնիթորինգ են իրականացնում. «Հրապարակ» թերթի խմբագիր
«Ցավալի է, որ այժմ անհանդուրժողականության մթնոլորտը ձեւավորում է մեր ոլորտի մարդը եւ նա, ով ժողովրդի միջոցով է իշխանության եկել...
Խոսքի ազատության հարցում հետընթաց է նկատվում. Ժուռնալիստների միության նախագահ
Նա նկատեց, որ Նիկոլ Փաշինյանը, որպես թերթի նախկին խմբագիր, պետք է հասկանա լրատվամիջոցների աշխատանքի կարեւորությունը եւ օգնի զարգացնել այդ ոլորտը եւ ոչ թե սահմանափակի նրա գործունեությունը...
Պարոնայք նորընտիր պատգամավորներ, Ձեզանից առաջ էլ է կյանք եղել, ձեզանից հետո էլ է լինելու. Արտակ Զաքարյան
Կարծում եմ բացառապես ռոմանտիզմով օծված մեր երիտասարդներին մատնացույց կանեն խորհրդարանական դիվանագիտության նրբությունների, բարդությունների, շահերի եւ դրանց դրսեւորումների մասին...
Իշխանությունն իր ճնշման տակ է պահում դատական իշխանությունն ու զանգվածային լրատվամիջոցները. Հրանտ Մարգարյան
Ներկայումս մեզ մոտ հակառակ տեսակետը ընդունվում է հիստերիայով, ահաբեկումով....