Շնորհավոր 2800 –ամյա հոբելյանդ, սիրելի՛ Երեւան: Այս մասին Երեւանի 2800-ամյակի առթիվ իր շնորհավորական ուղերձում նշել է ՀՀ նախագահ Արմեն Սարգսյանը:
Նա նշել է.
«Շնորհավոր բոլորիս տոնը, սիրելի՛ երեւանցիներ, սիրելի՛ հայրենակիցներ` Հայաստանում, Արցախում եւ արտերկրում:
Երեւանը սիրում ենք անկախ մեր ծննդյան վայրից, անկախ մեր ապրելու վայրից:
Երեւանը մեր մեջ է, որը մեզ հուզում է ու ջերմացնում:
Երեւանը մեր ներկան է՝ երեկվա հիշողությամբ ու վաղվա վստահությամբ:
Երեւանը հավերժական պատմություն է ու հավերժական երիտասարդություն:
Սրտացավ լինենք մեր անցյալի ժառանգության եւ հոգատար` մեր ապագայի հանդեպ:
Հավատարիմ մնանք Երեւանին։
Ծնունդդ շնորհավոր, Երեւան, իմ սեր»:
