«Ռուբիկոն» խմբավորման անարխիստները ստանձնել են Աթենքում Կանադայի դեսպանատան վրա հարձակման պատասխանատվությունը, փոխանցում է RT-ն՝ վկայակոչելով Skai-ն։
Նշվում է, որ անարխիստները նաեւ հրապարակել են հարձակման տեսանյութը։ Կազմակերպության անդամները այս արարքը բացատրում են այն հանգամանքով, որ Կանադան իր դեսպանատան միջոցով զբաղված է հունական Խալկիդիկի շրջանում կանադական Eldorado Gold ոսկու արդյունահանմամբ զբաղվող ընկերության լոբբինգով։
Նշվում է, որ դեսպանատան վրա հարձակվողները կոտրել են շենքի ապակիները եւ ներկեր լցրել շենքի վրա։