News
Լրահոս
News
Հինգշաբթի
Հունվար 17
Տեսնել լրահոսը

Էջմիածնի քաղաքապետի ընտրություններում հաղթում է ՔՊ-ական թեկնածու, քաղաքապետի պաշտոնակատար Դիանա Գասպարյանը։

Թիվ 14 տարածքային ընտրական հանձնաժողովից NEWS.am-ին հայտնեցին 23 տեղամասերից 9-ի տվյալները, ըստ որոնց  Դիանա Գասպարյանը ստացել է 3192 ձայն, երկրորդ տեղում Սուրեն Մուրադյանն է 1141 ձայնով, իսկ երրորդ տեղում՝ Սամվել Մուրադյանը 318 ձայնով։

Նշենք, որ Էջմիածնում առաջադրվել է քաղաքապետի 12 թեկնածու, իշխող ուժի թեկնածուն քաղաքապետի պաշտոնակատար Դիանա Գասպարյանն է: Թեկնածուներ են նաեւ Էջմիածնի նախկին փոխքաղաքապետ Վազրիկ Գրիգորյանը եւ «Յունիբանկի» տեղի մասնաճյուղի ղեկավար, ԲՀԿ-ական Վահե Մովսիսյանը:

ՀՀ տարածքային կառավարման նախարարության Վարչական վերահսկողության եւ համայնքային ծառայության հարցերի վարչության խորհրդական Սիփան Փաշինյանը ֆեյսբուքի իր էջում արդեն գրել է. «Դիանա Գասպարյանը ընտրվեց Էջմիածին քաղաքի քաղաքապետ»։

Նշենք, որ քարոզարշավի ընթացքում Դիանա Գասպարյանի հետ կապված պատմություն էր գրանցվել. Նրա հայրը զանգահարել էր դստեր հասցեին սոցիալական ցանցում բացասական գրառումներ կատարած, մարտի 1-ի գործով դատապարտված Գեւորգ Մանուկյանին, որն այժմ բնակվում է Ստրասբուրգում, եւ սպառնացել ու վիրավորել: Գեւորգ Մանուկյանի գրառումները վերաբերել էին այդ ժամանակ դատավորի օգնական Դիանա Գասպարյանի կեցվածքին: Ավելի ուշ Դիանա Գասպարյանը հրապարակավ ներողություն էր խնդրել հոր պահվածքի համար՝ նշելով, որ նյարդերը տեղի են տվել:

Էջմիածնի քաղաքապետի ընտրություններում աննախադեպ ցածր մասնակցություն է գրանցվել. ընտրություններին մասնակցել է 45278 ընտրողներից 15826-ը, ինչը կազմում է ընտրողների 34,95 տոկոսը։ Հիշեցնենք, որ 2016 թվականին Էջմիածնի ընտրություններին մասնակցել էր ընտրողների ավելի քան 36 տոկոսը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հրահրողը մենք չենք, բայց մենք փախնող տեսակ չենք». Նաիրա Զոհրաբյանը՝ ԼՀԿ-ի հետ լարվածության մասին
Եթե դահլիճում նստած է դեսպանի որդին, այստեղ կա նաեւ հարցի բարոյական կողմը…
Հանձնաժողովները ԲՀԿ-ին տալը «Իմ քայլի» կողմից բարեգործական ժեստ կամ ակցիա չէ. Նաիրա Զոհրաբյան
Նաեւ Սահմանադրությունը հստակ արձանագրում է, որ ԱԺ երեք փոխնախագահներից մեկը անպայման պետք է լինի ընդդիմությունից…
Հայաստանի իշխանությունները լրատվամիջոցների ակտիվ մոնիթորինգ են իրականացնում. «Հրապարակ» թերթի խմբագիր
«Ցավալի է, որ այժմ անհանդուրժողականության մթնոլորտը ձեւավորում է մեր ոլորտի մարդը եւ նա, ով ժողովրդի միջոցով է իշխանության եկել...
Խոսքի ազատության հարցում հետընթաց է նկատվում. Ժուռնալիստների միության նախագահ
Նա նկատեց, որ Նիկոլ Փաշինյանը, որպես թերթի նախկին խմբագիր, պետք է հասկանա լրատվամիջոցների աշխատանքի կարեւորությունը եւ օգնի զարգացնել այդ ոլորտը եւ ոչ թե սահմանափակի նրա գործունեությունը...
Պարոնայք նորընտիր պատգամավորներ, Ձեզանից առաջ էլ է կյանք եղել, ձեզանից հետո էլ է լինելու. Արտակ Զաքարյան
Կարծում եմ բացառապես ռոմանտիզմով օծված մեր երիտասարդներին մատնացույց կանեն խորհրդարանական դիվանագիտության նրբությունների, բարդությունների, շահերի եւ դրանց դրսեւորումների մասին...
Իշխանությունն իր ճնշման տակ է պահում դատական իշխանությունն ու զանգվածային լրատվամիջոցները. Հրանտ Մարգարյան
Ներկայումս մեզ մոտ հակառակ տեսակետը ընդունվում է հիստերիայով, ահաբեկումով....
Ամենաշատ