News
Լրահոս
News
Ուրբաթ
Մարտ 29
Տեսնել լրահոսը


Արդյոք նորմա՞լ է, որ Ընտրական օրենսգիրք սահմանադրական օրենքն ընդունվի նման հապշտապ կերպով, 24-ժամյա ռեժիմում: Այս մասին, այսօր՝ հոկտեմբերի 22-ի ԱԺ արտահերթ նիստում նման հարցով արդարադատության նախարարի պաշտոնակատար Արտակ Զեյնալյանին դիմեց ՀՅԴ խմբակցության ղեկավար Արմեն Ռուստամյանը:

«Այսօր առաջին ընթերցումն արվի, վաղը՝ երկրորդ, երբ ակնհայտ է, որ բազմաթիվ հարցեր կան, եւ համաձայնության գալու խնդիր էլ կա: Ես ընդհանրապես չեմ հիշում, որ Ընտրական օրենսգիրքը երբեւէ այսպիսի հապշտապությամբ որեւէ Ազգային ժողովում ընդունվեր, երբ տեղի են ունենում արմատական փոփոխություններ ԸՕ-ում: Ձեր կարծիք էի ուզում լսել, որպես արդարադատության նախարար, սահմանադրական օրենքը այնպես փոխելը ճի՞շտ է»,-հարցրեց Ռուստամյանը:

Ի պատասխան Արտակ Զեյնալյանն ասաց, որ այլ՝ սովորական պայմաններում  կհամաձայներ Ռուստամյանի հետ, որ Ընտրական օրենսգիրքը եւ ցանկացած օրենսդրական ակտ ցանկալի կլինի ավելի երկար քննարկել, թողնել, որ այն ավելի հասունանա եւ ընդունվի հնարավորինս անթերի:

«Սակայն երկրում իրավիճակը ֆորսմաժորային է, եւ այս համատեքստում է, որ այսպիսի լուծում է առաջարկվել: Ես Ձեզ հետ, ընդհանուր առմամբ, համաձայն եմ, բայց սովորական պայմանների դեպքում, դրա համար կառավարությունն այսպիսի լուծում է առաջարկում»,-ասաց Զեյնալյանը:

Ռուստամյանի մտահոգության հետ համաձայն էին նաեւ ՀՀԿ խմբակցության պատգամավորներ Խոսրով Հարությունյանն ու Հայկ Բաբուխանյանը:

Ի վերջո, Արտակ Զեյնալյանը համաձայնեց, որ երկրորդ ընթերցումը ոչ թե տեղի ունենա առաջին ընթերցմամբ դրա ընդունումից հետո 24 ժամյա ռեժիմում, այլ 72-ժամյա ռեժիմում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ի ներկայացուցիչներն ուզում են Ընտրական օրենսգրքի նախագծի առանցքային փոփոխություններին ծանոթանալ գրավոր ընթացակարգով
Կենտրոնական ընտրական հանձնաժողովը նոյեմբերի 20-ին հյուրընկալել է ՄԱԿ...
Ընտրական օրենսգրքում նախատեսվող փոփոխությունները խիստ խնդրահարույց են. ՀԿ-ների հայտարարությունը
ՀՀ Արդարադատության նախարարությունը շրջանառել է «ՀՀ ընտրական օրենսգրքում լրացումներ և փոփոխություններ...
Վերին Դվին և Արզնի համայնքների քվեարկության վերջնական արդյունքները հայտնի են
2023 թվականի հոկտեմբերի 29-ին Արարատի մարզի Վերին Դվին համայնքում համայնքի ղեկավարի և ավագանու անդամների, իսկ Կոտայքի մարզի Արզնի…
ԿԸՀ նախագահը ներկայացրել է 2024-ի բյուջեով կառույցին հատկացվող ֆինանսական միջոցները
Գումարը հատկացվելու է «Ընտրական գործընթացների համակարգում, կանոնակարգում և տեղեկատվության տրամադրում» ծրագրի շրջանակներում...
ԿԸՀ-ն հրապարակել է Վերին Դվինում և Արզնիում քվեարկության նախնական արդյունքները
2023 թվականի հոկտեմբերի 29-ին Արարատի մարզի Վերին Դվին համայնքում...
Հաստատվել է հոկտեմբերի 29-ին ՏԻՄ ընտրությունների նախապատրաստման եւ անցկացման միջոցառումների ժամանակացույցը
Համապատասխան ընտրատարածքային ընտրական հանձնաժողովում թեկնածուների գրանցումը կատարվում է՝ 2023 թվականի սեպտեմբերի 29-ից մինչեւ հոկտեմբերի 4-ը՝ մինչեւ ժամը 18:00-ն...
Ամենաշատ