News
Լրահոս
News
Հինգշաբթի
Հունվար 17
Տեսնել լրահոսը


Ով ասաց, որ ռեյտինգային ընտրակարգն այսօր մեզ ձեռք է տալիս: Այս մասին, այսօր՝ հոկտեմբերի 22-ին, ԱԺ-ում լրագրողների հետ զրույցում նշեց ՀՀԿ խմբակցության պատգամավոր, ՀՀԿ փոխնախագահ Արմեն Աշոտյանը՝ անդրադառնալով ընտրական օրենսգրքի փոփոխությունների նախագծին, որը քննարկվում է Ազգային ժողովում:

Նա նկատեց, որ ՀՀԿ-ի խմբակցության կարծիքի հետ չհամաձայնող պատգամավորների ճնշող մեծամասնությունը ռեյտինգայինով են ընտրվել. «Հիմա նրանք մեզ հետ չեն, ո՞վ ասաց, որ ռեյտինգայինը մեզ հիմա ձեռք է տալիս: Մեզ հիմնական ձայն բերող գործընկերներին այլեւս խմբակցության հետ կապել հնարավոր չէ»,-ասաց Աշոտյանը:

Նա չպատասխանեց հարցին, թե ՀՀԿ-ն կմասնակցի՞ արդյոք ԱԺ արտահերթ ընտրություններին, եթե Ընտրական օրենսգիրքը փոխվի. «Հորդորում եմ համբերել այսօր ՀՀԿ խմբակցության պաշտոնական տեսակետը պատեհ պահին կներկայացնի խմբակցության ղեկավարը»:

Աշոտյանը հայտարարեց, որ գոնե վերջին 6 ամսում իրենք իրենց չեն կեղծել. «Ցավում եմ, որ մեր որոշ գործընկերներ բաներ են ասում, որոնց իրենք էլ չեն հավատում: Գուցե մեզ են նմանակում, բայց շատ արագ սովորեցին նման բաները: Մի կեղծեք ձեզ, մեր իշխանության տապալման պատճառներից մեկը նաեւ դա էր, երբ ասում էինք երբեմն բներ, որոնց հետ հոգու խորքում համաձայն չէինք»:

Աշոտյանը նաեւ աբսուրդի ժանրից համարեց խոսակցությունները, ըստ որոնց Ընտրական օրենսգրքով 4-րդ ուժի համար տեղ են հատկացնում, նաեւ շեմը իջեցնում են 2 տոկոսի ՀՀԿ-ի համար:

Նշենք, որ ԱԺ-ն քննարկում է Ընտրական օրենսգրքի փոփոխությունները: Կառավարությունն առաջարկել է, որ այն քննարկվի 24-ամյա ռեժիմում, սակայն ավելի ուշ համաձայնեցին քննարկումն իրականացնել 72-ժամյա ռեժիմում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Վարդենիսի քաղաքապետի արտահերթ ընտրությունները տեղի կունենան փետրվարի 17-ին
Գեղարքունիքի մարզի Վարդենիս համայնքի ղեկավար Արամ Հարությունյանը համայնքի ղեկավարի պաշտոնում ընտրվել էր 2017 թվականի նոյեմբերի 5-ին կայացած համայնքի ղեկավարի ընտրության արդյունքում…
«Հրապարակ». Վարդենիսի քաղաքապետի աթոռի վրա աչք ունեն երբեմնի ՕԵԿ-ականը, նախկին քաղաքապետն ու «գողական» «Չոշեի Մոսոն»
Հաջորդ թեկնածուն վարդենիսցի Մովսես Հակոբյանն է, որը քաղաքում հայտնի է «Չոշեի Մոսո» մականունով...
Զինծառայողներին, այդ թվում նաեւ ժամկետային, տրված է լիովին ազատ ընտրելու հնարավորություն. Արծրուն Հովհաննիսյան
«Փաստ». Ո՞ւմ հետ է խոսում Նիկոլ Փաշինյանը
Ճշմարտության առջեւ չմեղանչելու համար նշենք, որ...
«Հրապարակ». «Գնալու եմ չոքեմ, աղաչեմ». ՀՀԿ-ն հաշվում է իր շանսերը. «աբիժնիկ» Մհերն ու Նեմեցի շրջապատը
Մալաթիա-Սեբաստիայում նույնպես շատ թույլ ենք՝ Սամվել Ալեքսանյանն աջակցում է փոխվարչապետին...
«Հրապարակ». ՀՀԿ-ական նախկին մարզպետը տաքսիներով է քարոզարշավ անում, ՔՊ-ականը համայնքապետերի վրա «պլան» է դնում
Մարզի երբեմնի տիրակալ Աղվան Հովսեփյանը, ասացին, ձեռքերը լվացել է...
Ամենաշատ