News
Լրահոս
News
Չորեքշաբթի
Ապրիլ 24
Տեսնել լրահոսը


Ընտրական օրենսգրքի փոփոխությունների նախագիծը նախատեսում է տարածքային ցուցակների վերացում, պարզ համամասնական ընտրակարգի ընդունում: Այս մասին, այսօր՝ հոկտեմբերի 22-ին, ԱԺ արտահերթ նիստում ներկայացնելով Ընտրական օրենսգրքի փոփոխությունների նախագիծը, նշեց Արդարադատության նախարարի պաշտոնակատար Արտակ Զեյնալյանը:

Նրա խոսքվո, նախագիծը նախատեսում է նաեւ կոալիցիաների ձեւավորման սահմանափակումների վերացում եւ ժամկետների ընդլայնում՝ 6 օրվա փոխարեն սահմանելով 10 օր. «Երրորդ, կուսակցական բազմակարծության ապահովման նպատակով ընտրվելու նվազագույն շեմի իջեցում՝ կուսակցությունների համար ներկայիս 5 տոկոսի փոխարեն 4 տոկոս, իսկ դաշինքների համար 7 տոկոսի փոխարեն 6 տոկոս: 4-րդ. ընտրագրավի չափի իջեցում՝ ներկայիս 10 մլն դրամի փոխարեն 7,5 մլն դրամ»,-ասաց Զեյնալյանը՝ հավելելով, որ ընտրագրավը կվերադարձվի քաղաքական ուժերին, եթե նրանք ստանան 2 տոկոսից ավելի ձայն, ներկայիս 4-ի փոխարեն: Նախատեսվում է նաեւ, որ նվազագույն ԱԺ-ում ներկայացված պետք է լինի ոչ թե 3, այլ 4 քաղաքական ուժ: «Կանանց ներկայության քվոտան 25 տոկոսից դարձնել 30 տոկոս: Բոնուսային համակարգի վերացում Երեւանի, Գյումրիի եւ Վանաձորի ընտրությունների ժամանակ»:

Զեյնալյանը նշեց, որ առաջարկվում է նաեւ, որ ընտրողների ցուցակում կլինեն միայն այն անձանց անունները, որոնք վերջին մի քանի տարվա ընթացքում վավեր անձնագիր ունեն: Նախագիծը ենթադրում է նաեւ քաղաքական բանավեճերի կազմակերպում, որոնցից առնվազն մեկը պետք է լինի ընտրություններին մասնակցող ուժերի ցուցակների առաջին համարների մակարդակով: Բացի այդ, քվեարկության ժամանակ կոչումով բարձր սպաներին արգելվելու է ներկա լինել տեղամասում, երբ այնտեղ քվեարկում են ցածր կոչում ունեցող զինծառայողները:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հունիսի 9-ին Լոռու մարզի երկու գյուղերում ընտրություններ կանցկացվեն
Մեկ այլ որոշմամբ նույն օրը արտահերթ ընտրություններ կանցկացվեն նաեւ Լոռու մարզի Լեռնավանի համայնքում, սակայն այս դեպքում կլինի միայն ավագանու ընտրություն...
Սյունիքի Գորայք համայնքը չունի ոչ գյուղապետ, ոչ ավագանի. ընտրությունները կկայանան հունիսի 9-ին
Գորայք համայնքի ավագանու մնացած անդամները ս.թ. մարտի 1-ին կազմել են Գորայք համայնքի ավագանու լիազորությունները վաղաժամկետ դադարեցման վերաբերյալ արձանագրություն...
Ապագա գյուղում արտահերթ ընտրություններ կանցկացվեն. ՀՀԿ-ական գյուղապետը հրաժարական է տվել
Սահմանված եռօրյա ժամկետում ես որոշում կկայացնեմ…
ԿԸՀ նախագահ. 2012-ից Հայաստանում ընտրությունների արդյունքների կեղծումներ չեն եղել
Հայաստանում ցանկացած ընտրություն կազմակերպելիս դրանց արդյունքները երբեք նախապես հայտնի չեն եղել, ասել է Տիգրան Մուկուչյանը...
«Ժողովուրդ». Ակունքում հետընտրական կրքերը չեն հանդարտվել. Արյան հետքեր քվեաթերթիկի վրա
Վերահաշվարկի արդյունքում ուշագրավ փաստ է պարզվել...
«Ժամանակ». Թռած է. Ընտրակաշառքի միջոցով հաղթել է ընտրություններում ու հեռացել է Հայաստանից
Ընտրություններից անցել է մեկ շաբաթ, սակայն Մանուկյանը այդպես էլ չի ներկայանում գյուղապետարան...
Ամենաշատ