Թող առաջիկա ԱԺ ընտրությունները լինեն ոչ թե սեւերի ու սպիտակների միջեւ, այլ միայն սպիտակների միջեւ: Այս մասին, այսօր՝ հոկտեմբերի 22-ին, ԱԺ արտահերթ նիստում Ընտրական օրենսգրքի նախագծի քննարկման ժամանակ նշեց «Ծառուկյան» խմբակցության պատգամավոր Տիգրան Ուրիխանյանը:
«Իսկ ո՞վ ասաց, որ հրեշտակի թեւեր առած ՀՀԿ-ականները, որոնք հերթ են կանգնում իշխանությունների դռների առջեւ, պիտի հիմա այլ ճանապարհով պիտի ճողոպրեն ու գան խորհրդարան:
Կամ ասում են՝ ՀՀԿ-ն իր երիտասարդ կազմից ցուցակ է ձեւավորում, որ մասնակցի ընտրություններին: Շատ լավ է, ուրեմն ժողովրդի կողմից շատ սիրված պարոնայք Շարմազանովը, Աշոտյանը, Սարգսյանը եւ մյուսները գալու են մրցակցեն, ի՞նչ անեն, նորից անցնեն խորհրդարա՞ն: Որքան սահմանափակվի ընտրություների որակի վրա ազդելու հնարավորությունը, այնքան լավ, որովհետեւ խորհրդարան ճողոպրելու ցանկություն ունեն բոլորը»,-ասաց նա:
Ուրիխանյանը հայտարարեց, որ բոլոր այն ուժերը, որոնք ասում են՝ ժամանակ տվեք ընտրություններին պատրաստվելու, «սրանք բոլորը հեքիաթներ են բոլոր նրանց համար, որոնք հասկանում են, որ իրենք չեն արժանանալու մարդկանց վստահությանը»:
Նա տեղեկացրեց, որ իր գլխավորած «Ալյանս» կուսակցությունն ընտրություններին մասնակցելու է առանձին ցուցակվ:
