Հոկտեմբերի 21-ին Հայաստանում նշվեց Երեւանի 2800-ամյակը, եւ Beeline-ի աշխատակիցները հանդես եկան յուրահատուկ նախաձեռնությամբ այդ տոնի առթիվ։
Ընկերության տարբեր ստորաբաժանումների աշխատակիցները մի քանի ամսվա ընթացքում մասնակցել են «Երեւան, իմ սիրտ» երգի ստեղծման եւ հոլովակի նկարահանման աշխատանքներին, որպեսզի այդ օրն ուրախացնեն բոլորին գեղեցիկ կատարումով։
«Երեկ մեր սիրելի մայրաքաղաքը դարձավ 2800 տարեկան։ Դա պատկառելի տարիք է, սակայն քաղաքն այսօր էլ երիտասարդ է եւ գեղեցիկ։ Վեց տարի առաջ Երեւանը դարձավ իմ տունը, բայց ես միեւնույն է ամեն օր նորովի եմ բացահայտում այս քաղաքը։ Յուրաքանչյուր փողոց, յուրաքանչյուր թաղամաս ունի իր հատուկ աուրան։ Երեւանը յուրահատուկ է իր կոլորիտով, բնակիչներով եւ արժեքներով։ Շնորհավորում եմ քեզ, Երեւա՛ն», - նշեց Հայաստանում Beeline-ի Գլխավոր տնօրեն Անդրեյ Պյատախինը։
Երգը հասանելի է հետեւյալ հղումով Youtube-ում՝ ինչպես նաեւ Beeline Armenia պաշտոնական էջում Facebook-ում։