News
Լրահոս
News
Երեքշաբթի
Մարտ 19
Տեսնել լրահոսը


Մենք հերթական անգամ ստեղծել ենք պրոբլեմ ու ուզում ենք այն հերոսաբար հաղթահարել: Այս մասին, այսօր՝ հոկտեմբերի 22-ին, ԱԺ արտահերթ նիստում Ընտրական օրենսգրքի նախագծի քննարկման ժամանակ նշեց ՀՅԴ խմբակցության ղեկավար Արմեն Ռուստամյանը:

Նրա խոսքով, երբ խոսում ենք ճգնաժամի ու ֆորսմաժորի մասին, պետք է ճիշտ  գնահատենք, թե ինչի պատճառով են առաջացել. «Դա առաջացել է այն պատճառով, որ կա պարտադրանք ամեն գնով ընտրություններն անցկացնել դեկտեմբերին: Սա առաջացրել է լուրջ խնդիրներ: Կընդունենք Ընտրական օրենսգրքի փոփոխությունները, թե ոչ, գնում ենք ընտրությունների համար մրցակցային ոչ լիարժեք դաշտ ձեւավորելով: Դրանից տուժելու է ընտրությունների որակը: Որովհետեւ եթե չենք ընդունում նոր օրենսգիրքը, մնում է հինը,. Որը բոլորիս համար անընդունելի է, իսկ եթե ընդունում ենք օրենսգիրքը, ունենում ենք մի վիճակ, երբ օրենսգիրքն ուժի մեջ մտնելուց մեկ ամիս անցկացնում ենք ընտրություններ, ինչը եւս վատ է»,-հայտարարեց Ռուստամյանը:

Նա նկատեց, որ հիմա ամեն բան հարմարեցվում է դեկտեմբերին ընտրություններ անցկացնելուն, այդ թվում թույլ է տրվում, որ ընտրական հանձնաժողովների անդամները ուսուցում չանցնեն:

Ռուստամյանը հիշեցրեց, որ իրենք առաջարկել էին, որ բաց համամասնական ցուցակներով լինի ընտրությունը, որ ընդդիմության նվազագույն ներկայացվածությունը 1/3-ից ավելացվի, ինչը չի ընդունվել: «Եթե այսօր խոսում ենք սուպերվարչապետական համակարգից, ես վախենամ վաղը գնանք սուպերնախագահական համակարգի: Հաջորդը, միշտ բաց է մնում հարցը՝ ընտրությունները կեղծվել են, թե ոչ: Մենք հստակ գործիք ենք առաջարկել, որ որոշվի՝ վերջապես, կեղծվել են ընտրությունները, թե ոչ: Ինչու եք դրան էլ դեմ: Եթե ընդունում եք գաղափարը, դա ներառեք գոնե անցումային դրույթների մեջ: Եթե հիմա չեք կարողանում, քանի որ դեկտեմբերին պետք է ընտրություններ լինեն, գոնե անցումայինի մեջ ներառեք»,-ընդգծեց Ռուստամյանը՝ հավեելով, որ բոլոր դեպքերում իրենք կողմ են ընտրական օրենսգրքի այս փոփոխություններին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
ՄԱԿ-ի ներկայացուցիչներն ուզում են Ընտրական օրենսգրքի նախագծի առանցքային փոփոխություններին ծանոթանալ գրավոր ընթացակարգով
Կենտրոնական ընտրական հանձնաժողովը նոյեմբերի 20-ին հյուրընկալել է ՄԱԿ...
Ընտրական օրենսգրքում նախատեսվող փոփոխությունները խիստ խնդրահարույց են. ՀԿ-ների հայտարարությունը
ՀՀ Արդարադատության նախարարությունը շրջանառել է «ՀՀ ընտրական օրենսգրքում լրացումներ և փոփոխություններ...
Վերին Դվին և Արզնի համայնքների քվեարկության վերջնական արդյունքները հայտնի են
2023 թվականի հոկտեմբերի 29-ին Արարատի մարզի Վերին Դվին համայնքում համայնքի ղեկավարի և ավագանու անդամների, իսկ Կոտայքի մարզի Արզնի…
ԿԸՀ նախագահը ներկայացրել է 2024-ի բյուջեով կառույցին հատկացվող ֆինանսական միջոցները
Գումարը հատկացվելու է «Ընտրական գործընթացների համակարգում, կանոնակարգում և տեղեկատվության տրամադրում» ծրագրի շրջանակներում...
ԿԸՀ-ն հրապարակել է Վերին Դվինում և Արզնիում քվեարկության նախնական արդյունքները
2023 թվականի հոկտեմբերի 29-ին Արարատի մարզի Վերին Դվին համայնքում...
Հաստատվել է հոկտեմբերի 29-ին ՏԻՄ ընտրությունների նախապատրաստման եւ անցկացման միջոցառումների ժամանակացույցը
Համապատասխան ընտրատարածքային ընտրական հանձնաժողովում թեկնածուների գրանցումը կատարվում է՝ 2023 թվականի սեպտեմբերի 29-ից մինչեւ հոկտեմբերի 4-ը՝ մինչեւ ժամը 18:00-ն...
Ամենաշատ