ԱՄՆ նախագահի անվտանգության հարցերով խորհրդական Ջոն Բոլթոնը ՌԴ ԱԽ քարտուղար Նիկոլայ Պատրուշեւի հետ քննարկել է սպառազինության ոլորտում համաձայնություններին, Սիրիային, Իրանին, Հյուսիսային Կորեային եւ ահաբեկչության դեմ պայքարին վերաբերող հարցեր՝ տեղեկացնում է ՌԻԱ Նովոստին։
ՌԴ Անվտանգության խորհրդի աշխատակազմի մամուլի քարտուղար Եվգենյա Անոշինան հայտնել է, որ քննարկվել են Մոսկվայի եւ Վաշինգտոնի միջեւ ռազմավարական հարցերով երկխոսության կազմակերպման հեռանկարները։ «Կողմերը նշել են Անվտանգության խորհուրդների, ինչպես նաեւ մի շարք նախարարությունների եւ հաստատությունների մակարդակով շփումները շարունակելու անհրաժեշտության մասին»,- նշել է նա։