News
Լրահոս
News
Երկուշաբթի
Ապրիլ 22
Տեսնել լրահոսը

Աշխատանքային այցով Շվեյցարիայի Համադաշնությունում գտնվող Հայաստանի Հանրապետության նախագահ Արմեն Սարգսյանը Ժնեւում՝ ՄԱԿ-ի կենտրոնակայանում մասնակցել է այդ կազմակերպության Առեւտրի եւ զարգացման կոնֆերանսի (UNCTAD)` երկամյա պարբերականությամբ կազմակերպվող Համաշխարհային ներդրումային համաժողովի (World Investment Forum 2018) բացման հանդիսավոր արարողությանը։ Հոբելյանական` տասներորդ համաժողովն այս տարի անցկացվում է «Ներդրումներ՝ հանուն կայուն զարգացման» խորագրով, այս մասին տեղեկացնում է ՀՀ Նախագահի աշխատակազմի հասարակայնության եւ տեղեկատվության միջոցների հետ կապերի վարչությունը։

Մինչ համաժողովի բացումը, Հանրապետության նախագահը կարճատեւ զրույց է ունեցել Շվեյցարիայի Համադաշնության նախագահ Ալան Բերսեի հետ, որին հանդիպել էր նաեւ վերջերս Երեւանում՝ Ֆրանկոֆոնիայի միջազգային կազմակերպության 17-րդ գագաթնաժողովի շրջանակում։

Համաժողովի բացմանը ներկա են եղել Շվեյցարիայի, ինչպես նաեւ ՄԱԿ-ի Առեւտրի եւ զարգացման կոնֆերանսի անդամ պետությունների, համաշխարհային գործարար համայնքի, ներդրողների ու միջազգային կազմակերպությունների բարձրաստիճան պաշտոնյաներ:

Համաժողովի մասնակիցներին ողջունել է Շվեյցարիայի Համադաշնության նախագահ Ալան Բերսեն։

Համաշխարհային ներդրումային համաժողովը ներդրումների եւ կայուն զարգացման ոլորտին նվիրված միջազգային առաջատար եւ ներկայացուցչական համաժողովներից է, բարձր մակարդակի հարթակ, որտեղ քննարկվում են գլոբալիզացիայի եւ ինդուստրալիզացիայի նոր դարաշրջանում ներդրումային ոլորտում առկա համաշխարհային մարտահրավերները եւ դրանք հաղթահարելու հնարավորությունները:

Համաժողովն այս տարի իր հարկի տակ է հավաքել 160 երկրների ավելի քան 4000 ներկայացուցիչների, այդ թվում՝ տարբեր երկրների բազմաթիվ անդրազգային կորպորացիաների, ազդեցիկ ներդրումային ֆոնդերի, խոշոր ընկերությունների ղեկավարների:

Համաշխարհային ներդրումային համաժողովի բացմանը հետեւել է ՄԱԿ-ի Ներդրումների խրախուսման մրցանակաբաշխության արարողությունը, որին մասնակցել է նաեւ նախագահ Սարգսյանը։

Մրցանակների արժանացել են այն ընկերությունները, որոնք գերազանց արդյունքներ են գրանցել ՄԱԿ-ի կողմից հռչակված կայուն զարգացման նպատակների, մասնավորապես՝ աղքատության դեմ պայքարի, որակյալ կրթության ու առողջապահության ապահովման, կլիմայական փոփոխության դեմ պայքարի ծրագրերի իրականացման գործում։ Հանրապետության նախագահ Արմեն Սարգսյանը մրցանակ է հանձնել հնդկական «Invest India» ընկերությանը։

Հայաստանի Հանրապետության նախագահն այնուհետեւ այցելել է Համաշխարհային ներդրումային hամաժողովի «Ներդրումային ավանում» բացված Հայաստանի տաղավար, որտեղ մեր երկրի ներդրումային միջավայրին, գրավչությանն ու մրցակցային առավելություններին զուգահեռ` ներկայացված են նաեւ Հայաստանի զբոսաշրջային հնարավորություններն ու առանձնահատկությունները։

Նախագահը ծանոթացել է տաղավարում ներկայացված նյութերին, զրուցել այցելուների հետ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դուբայը ներկայացրել է իր վերջին մեգանախագիծը
Սա ընդամենը բազմաթիվ նախագծերից մեկն է, որը էմիրությունները գործարկում է հաջորդ տարի Դուբայում կայանալիք համաշխարհային ցուցահանդեսի նախաշեմին՝...
Էրդողանի փեսան ներդրողներին չի համոզել
Չեմ կարծում, որ որեւէ մեկը հեռացավ Թուրքիայի մասին իր պատկերացումները փոխած, համաժողովից հեռանալիս ասել է երկրորդ ներդրողը…
2019-ի առաջին եռամսյակում ներդրումներն աճել են 27 անգամ. ակնկալվող ծավալը կազմում է 146 միլիոն դոլար. Փաշինյան
2019-ի առաջին եռամսյակում հաստատվել է 13 ծրագիր…
Օտարերկրյա ներդրողները հայտնվել են ծուղակում թուրքական լիրայի պատճառով
Թուրքիան օտարերկրյա ներդրողների համար գրեթե անհնար է դարձրել լիրայի վաճառքը...
Հայաստանի կառավարությունը ներդրողների հետ քննարկում է 3,1 մլրդ դոլարի նախագծեր. Փաշինյան
Հայաստանում կլինի բացարձակապես նոր ներդրումային միջավայր…
Սաուդյան Արաբիան կներդնի 23 մլրդ դոլար չորս ժամանցային նախագծի մեջ
Նախագծերից են զբոսայգու, սպորտային երթուղու եւ բացօթյա արտ-կենտրոնի կառուցումը…