News
Լրահոս
News
Կիրակի
Նոյեմբեր 18
Տեսնել լրահոսը


Իհարկե, ցանկացած ուժ իրավասու է սեփական քաղաքական գործունեությունը ծավալել, այդ թվում բոյկոտ իրականացնել, բայց երկրում այնպիսի իրավիճակ է, որ այսօր հիմքեր են դրվում Հայաստանի հետագա 20-30 զարգացման համար: Այս մասին այսօր՝ հոկտեմբերի 23-ին, ԱԺ-ում հայտարարեց ԱԺ փոխնախագահ Միքայել Մելքումյանը՝ անդրադառնալով փաստին, որ երեկ խորհրդարանը չընդունեց Ընտրական օրենսգրքի փոփոխությունները, դեմ էր ՀՀԿ-ն:

«Ներկուսակցական շահերը պետք է ստորադասել պետական շահերին: Կոչ եմ անում խորհրդարանում քաղաքական մեծամասնությանը անպայման գնալ նրան, որ մենք Ընտրական նոր օրենսգիրք ունենանք: Սա միայն իշխանություն ձեւավորելու խաղի կանոն չէ, սա ապագա իշխանության որակի բարելավման խնդիր է, որովհետեւ ռեյտինգայինով ընտրված պատգամավորների 90 տոկոսից ավելին 5 տարվա ընթացքում որեւէ ելույթ չի ունեցել»,-ասաց Միքայել Մելքումյանը:

«Ելք» խմբակցության ղեկավար Լենա Նազարյանն իր հերթին անդրադարձավ «Ծառուկյան» խմբակցության պատգամավոր Տիգրան Ուրիխանյանի խոսքին, որը կոչ էր անում ՔՊ-ի ներկայացուցիչներին ամեն ինչ անել, որ Ընտրական օրենսգրքի փոփոխություններն անպայման ընդունվեն, ոչ թե հայտարարեն, թե որ օրենսգրքով էլ լինեն ընտրությունները, իրենք միեւնույն է, հաղթելու են:

Լենա Նազարյանը հիշեցրեց, որ իրենք են Ընտրական օրենսգրքի փոփոխությունների նախագիծը բերել խորհդարան եւ իր ամբողջ կազմով ներկա է եղել ու կողմ է քվեարկել նախագծին: Լենա Նազարյանը նկատեց, որ այլ խմբակցություններից եղել են բացականեր, այդ թվում «Ծառուկյան» խմբակցությունից:

Տիգրան Ուրիխանյանն էլ նշեց. «Հոկտեմբերի 2-ին երբ օրենք էր ընդունվում, ժողովուրդը եկավ ԱԺ: Եկեք, բերենք նորից ժողովրդին, ճնշում գործադրենք, որ այստեղի խալտուրաներով չկարողանան պահել հին ընտրական օրենսգիրքը»:

Ավելի վաղ NEWS.am-ը հայտնել էր, որ Ազգային ժողովի արտահերթ նիստում Ընտրական օրենսգրքի փոփոխությունները չընդունվեցին: Օրինագծին կողմ քվեարկեց 56, դեմ 3 պատգամավոր, մինչդեռ անհրաժեշտ է 63 կողմ ձայն: Նշենք, որ օրենքը սահմանադրական է, և հարկավոր էր պատգամավորների ընդհանուր թվի առնվազն 3/5-ի քվեն՝ 63 ձայն:

ԱԺ-ն առաջին ընթերցմամբ չընդունեց ԸՕ-ի մասին օրենքի նախագիծը

 

Տպել
Կարդացեք նաև
Ամբողջը
Արմեն Աշոտյանը կառաջադրվի թիվ 4 ընտրական տարածքում եւ կլինի ՀՀԿ նախընտրական շտաբի քարոզչության ղեկավարը
Այս տարիների ընթացքում ձեռքբերված հմտությունները, գործած սխալների դասերը, հարված պահելու բնավորությունս...
«Ժամանակ». Նոր դաշի՞նք. Բանակցում են Արամ Սարգսյանը, Արագած Ախոյանը եւ Խաչատուր Քոքոբելյանը
Բայց թե այդ անձնական մտերմությունը կվերածվի քաղաքականի...
«Ժամանակ». Հովիկ Աբրահամյանի ջուրն ու ՀՀԿ-ի տոկոսը. ով է ձայն հանելու. ՀՀԿ-ն կարող է շուռ տալ իրավիճակը
Եվս մի քանի այդպիսի տեղեկություն, եւ ՀՀԿ-ն ոչ միայն 5, այլեւ նույնիսկ 0,5 տոկոս կարող է չհավաքել...
«Հանրապետությունն» ու «Ազատ դեմոկրատները» դաշինքո՞վ կմասնակցեն ԱԺ ընտրություններին
Այս շաբաթվա ընթացքում տեղի կունենա ընդլայնված նիստը, որի ընթացքում կորոշվի, թե ինչ ձեւաչափով մասնակցենք ընտրություններին...
«Քաղաքացու որոշում» ՍԴ սոցիալ-դեմոկրատական կուսակցության հիմնական նպատակը խորհրդարանական ընտրություններին մասնակցելը չէ
Արեգ Թադեւոսյանը նշել է, որ կուսակցության ինքնուրույն է հոգալու իր ծախսերը․․․
Շիրակ Թորոսյանն ու Ֆելիքս Ցոլակյանը կլինեն ՔՊ ցուցակում․ Լենա Նազարյան
Ելք» խմբակցության ղեկավարի խոսքով՝ ՔՊ-ն ինչպես եւ ավագանու ընտւրություններին, այնպես էլ ԱԺ արտահերթ․․․
Partner news