News
Լրահոս
News
Երեքշաբթի
Նոյեմբեր 20
Տեսնել լրահոսը

Ադրբեջանի ու Թուրքիայի կողմից տրանսպորտային շրջափակումը խանգարում է Հայաստանի տնտեսական զարգացմանը։ Այս մասին այսօր՝ հոկտեմբերի 23-ին հայտարարեց Ռուսաստանի հայերի միության նախագահ, ՅՈՒՆԵՍԿՕ-ի բարի կամքի դեսպան Արա Աբրահամյանը Երեւանում անցկացվող «Եվրասիական շաբաթ» միջազգային համաժողովի շրջանակներում «Տեխնոլոգիական բեկումն ու ԵՏՄ երկրների պոտենցիալ հնարավորությունները» թեմայով լիագումար նիստին։

Նա նշեց, որ եվրասիական տիրույթում ինչպես ամբողջ աշխարհում տնտեսական զարգացման համար կուտակվել են բազմաթիվ խոչընդոտներ։

«Հայաստանի համար դա տրանսպորտային շրջափակումն է Թուրքիայի եւ Ադրբեջանի կողմից, ինչը միջազգային իրավական բոլոր նորմերի խախտում է։  Ռուսաստանի համար պատժամիջոցներն են, մինչդեռ հայտնի է, որ բիզնեսը սիրում է կայունություն եւ ներդրումներ են արվում այնտեղ, որտեղ կա պլանավորման հստակ հորիզոն»,–ընդգծեց Աբրահամյանը։

Այնուամենայնիվ, շարունակեց նա, Եվրասիական տնտեսական միության (ԵՏՄ) երկրների միավորումը հնարավորություն է տալիս հաղթահարել այդ մարտահրավերները, ինչի մասին է վկայում ԵՏՄ ներքին շուկայի աճը: Միաժամանակ,  200–միլիոնանոց եվրասիական շուկայի ներուժը հետաքրքրություն է առաջ բերում տարբեր երկրներից մեր գործընկերների շրջանում, հենց այդ պատճառով այս համաժողովին մասնակցում են ԵՏՄ–ի անդամ չհանդիսացող երկրների բազմաթիվ ներկայացուցիչներ, այդ թվում՝ հայկական սփյուռքից։

«Միաժամանակ, մենք հասկանում ենք, որ ԵԱՏՄ երկրների ներուժը դեռեւս լիովին օգտագործված չէ եւ կարծում եմ, որ նպատակահարմար է ԵՏՄ ձեռնարկատերերի խոշոր համակարգ ստեղծել գործարարների միջեւ հորիզոնական կապերի ամրապնդման եւ ընդլայնման եւ ներդրումների ներգրավման նպատակով»,–շեշտեց  ՅՈՒՆԵՍԿՕ–ի բարի կամքի դեսպանը։

Նա նաեւ հավելեց, որ այս տարի առաջին անգամ «Եվրասիական շաբաթ»–ի շրջանակներում կանցկացվի սփյուռքահայ գիտնականների մասնակցությամբ նիստ. «Համոզված եմ, որ գիտնականների զեկույցները եւ գիտական մշակումները մեծ հետաքրքրություն կառաջացնեն բիզնեսի ներկայացուցիչների շրջանում»,–եզրափակեց Աբրահամյանը:

Հիշեցնենք, որ հոկտեմբերի 22-24-ը Երեւանում անցկացվում է «Եվրասիական շաբաթ» ամենամյա ցուցահանդեսը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նիկոլ Փաշինյանը որոշում է ստորագրել
Եվրասիական միջկառավարական խորհրդում քննարկման ենթակա հարցերի շուրջ որոշումների կայացմանն ուղղված գործառույթներ...
«Սա ՀՀ-ի համար շատ ցանկալի բան չէ». Տնտեսագետը՝ Ամանորից հետո ԵՏՄ-ում ներմուծման խստացումների մասին
ԵՏՄ տարածքում 2019 թվականի հունվարի 1-ից ֆիզիկական անձանց համար նոր, ավելի խիստ կանոններ կգործեն...
ԵԱՏՄ-ին անդամակցությունը եղել է Հայաստանի քաղաքական ամենամեծ վրիպումը. Քոքոբելյան
Քոքոբելյանը նշեց, որ անդամակցությունը ԵԱՏՄ-ին նախորդ իշխանությունների կողմից «փաթեթավորվեց» որպես անվտանգային...
Բելառուսում կոչ են արել արագացնել ԵՏՄ-ում խոչընդոտների վերացման աշխատանքը
Հիմա այն տարվում է «պակաս համարժեք տեմպով», քան ցանկալի կլիներ…
Երեւանի եւ Թեհրանի միջեւ առեւտրի ցածր մակարդակը պայմանավորված է Իրանի տնտեսության փակ լինելու հանգամանքով. տնտեսագետ
Պատժամիջոցները Թեհրանին կստիպեն դիմել իր տնտեսության որոշակի ազատականացման եւ իր շուկան բացել ԵՏՄ անդամ երկրների համար…
Մոլդովային ԵՏՄ անդամ պետությունների ղեկավարների նիստին որպես դիտորդ են հրավիրել
Մայիսի 14-ին Սոչիում՝ գագաթաժողովի ժամանակ, ԵՏՄ անդամ երկրների ղեկավարների միաձայն որոշմամբ Մոլդովային տրվել է դիտորդի կարգավիճակ...
Partner news