Նիկոլ Փաշինյանի առաջադրումը վարչապետի պաշտոնում ֆորմալ բնույթ է կրում, եւ մենք վաղը չենք քվեարկելու։ Այս մասին այսօր՝ հոկտեմբերի 23–ին, խորհրդարանում լրագրողների հետ զրույցում ասաց «Ծառուկյան» խմբակցության պատգամավոր Նաիրա Զոհրաբյանը:
«Սա ֆորմալ առաջադրում է, մենք չենք քվեարկի եւ թույլ կտանք, որ այն օրակարգը, որ երկու անգամ չի ընտրվում վարչապետն ու խորհրդարանը լուծարվում է, տեղի ունենա։ Մենք հավատարիմ ենք մնալու ստորագրված հուշագրին»,– ասաց նա։
Նշենք, որ այսօր «Ելք» խմբակցությունը վարչապետի պաշտոնում առաջադրել է վարչապետի պաշտոնակատար Նիկոլ Փաշինյանի թեկնածությունը։ Վաղն ամենայն հավանականությամբ տեղի կունենա ԱԺ հատուկ նիստը, որի ժամանակ էլ հարցը կքննարկվի։