Բջջային հավելվածները կարող են օգտատերերին հետեւել նույնիսկ իրենց սմարթֆոններից դրանք հեռացնելուց հետո, հայտնում է Bloomberg-ը:
Ծրագրեր մշակողներին սպասարկող ընկերությունները գտել են iOSն ու Android-ը իրենց շահերի համար օգտագործելու եղանակը: Նրանք հավելվածի հետ միասին թրեքերներ են տեղադրում, որոնք հետեւում են օգտատերերի գործողություններին, այդ թվում նաեւ ծրագրերի հեռացմանը: Նման թրեքերները մտնում են մշակողների ստանդարտ գործիքակազմի մեջ եւ կանոնները չեն խախտում:
Դրանց աշխատանքի շնորհիվ սմարթֆոնների վրա է հայտնվում հեռացված հավելվածի գովազդը: Ընկերությունն այս կերպ փորձում է օգտատիրոջը համոզել այն կրկին տեղադրել:
Այսպիսի հնարավորությունն օգտագործող ընկերությունների թվում են AppsFlyer-ը, MoEngage-ն, Localytics-ը եւ CleverTap-ը: Դրանցից են օգտվում, օրինակ, T-Mobile US-ը, Spotify Technology-ն:
Խոսքը, այսպես կոչված, այսպիսի իրազեկումների մասին է. համոզվելու համար, որ հավելվածն իսկապես հեռացվել է, մշակողները սմարթֆոն հարցում են ուղարկում, եւ եթե որոշ ժամանակ անց պատասխան չի ստացվում, համարվում է, որ ծրագիրն այլեւս տեղադրված չէ: Այդ ժամանակ թրեքերը մշակողին ուղարկում է սմարթֆոնի մասին տեղեկություն՝ անձնական տվյալներով, ինչը նրան թույլ է տալիս նույնականացնել հեռախոսի տիրոջն ու նրա գեոլոկացիան:
Պարբերականի հարցմանը պատասխանած փորձագետները նշել են, որ նման գործողությունները չեն ողջունում եւ դրա մեջ տեսնում են գաղտնիության քաղաքականությունը թարմացնելու առիթ:
