Թուրքիայի դատախազությունը սաուդցի ընդդիմադիր լրագրող Ջամալ Խաշոգջիի սպանության հետաքննության շրջանակներում հարցաքննել է Ստամբուլում Սաուդյան Արաբիայի գլխավոր հյուպատոսության 38 աշխատակիցների, հաղորդում է «ՌԻԱ Նովոստին»:
«Խաշոգջիի գործով դատախազություն են կանչվել եւ որպես վկա հարցաքննվել Սաուդյան Արաբիայի գլխավոր հյուպատոսության 38 աշխատակիցներ, եւս 5 մարդ հարցաքննությանը չի ներկայացել»,- նշվում է դատախազության հաղորդագրության մեջ:
Սաուդցի ընդդիմադիր լրագրող Ջամալ Խաշոգջին, որը Washington Post թերում որպես տեսաբան էր աշխատում եւ 2017-ից բնակվում էր ԱՄՆ-ում, հոկտեմբերի 2-ին Թուրքիայում անհետացել էր այն բանից հետո, երբ մտել էր Ստամբուլում Սաուդյան Արաբիայի գլխավոր հյուպատոսության շենք:
Հոկտեմբերի 20-ի գիշերը Սաուդյան Արաբիայի պետական լրատվամիջոցները տարածեցին երկրի գլխավոր դատախազի հաղորդագրություն այն մասին, որ նախնական տվյալների համաձայն, Խաշոգջին մահացել է եւ նրա մահն առաջացել է հյուպատոսական անձնակազմի հետ վիճաբանության արդյունքում:
Այս գործով ձերբակալվել է 18 մարդ, ովքեր հարցաքննվում են, Սաուդյան իշխանությունները շեշտում են, որ ձգտում են հաստատել ճշմարտությունը եւ բոլոր մեղավորներին պատասխանատվության ենթարկել:
