ՌԴ ԱԳՆ պաշտոնական ներկայացուցիչ Մարիա Զախարովան հերքել է ղարաբաղյան հակամարտության կարգավորմանն ուղղված Մադրիդյան սկզբունքներում փոփոխություններ կատարելու հնարավորության մասին տեղեկատվությունը
Նա նշել է, որ նման փոփոխությունների մասին ինքը ոչինչ չի լսել։
«Եթե խոսքը փորձագետների կանխատեսումների մասին է, ապա դա այլ հարց է։ Մենք, այնուամենայնիվ, պաշտոնական տեղեկատվությունն ենք մեկնաբանում։ Իսկ նման տվյալներ ես չունեմ»,- հայտարարել է Զախարովան։
Մեկնաբանելով Ղարաբաղի մասին ԱՄՆ նախագահի խորհրդական Ջոն Բոլթոնի հայտարարությունը՝ Զախարովան նշել է, որ հակամարտության խաղաղ կարգավորումը համապատասխանում է ԵԱՀԿ Մինսկի խմբի եւ կողմերի հետաքրքրություններին։