Եվրոպական Կենտրոնական բանկը (ԵԿԲ) հաստատել է տարվա վերջին պարտատոմսերի վիճահարույց գնումն ավարտելու իր մտադրության մասին։ Այդ արժեթղթերը օգտագործվում են եվրոգոտում ինֆլյացիայի օպտիմալ՝ 2 տոկոսի մակարդակը պահելու համար։ Սակայն ԵԿԲ-ի կառավարիչների խորհրդի նիստում, որը տեղի է ունեցել Մայնի Ֆրանկֆուրտում, պարտատոմսերի գնման դադարեցման պաշտոնական որոշում չի ընդունվել։ Այս մասին տեղեկացնում է DW-ն։
Հոկտեմբերին ԵԿԲ-ն երկու անգամ կրճատել է պարտատոմսերի գնման ծավալը՝ հասցնելով այն ամսական 15 մլրդ եվրոյի։ Կառավարիչների խորհուրդը հասկացրել էր, որ տարիներ տեւող հակաճգնաժամային ռեժիմից կտրուկ դուրս գալու սպասելիքներ պետք չէ ունենալ։ Վարկային առումով բազային տոկոսադրույքները, ինչպես եւ կանխատեսվում էր, պահպանվել են զրոյական մակարդակի վրա։ ԵԿԲ-ի դեպոզիտային դրույքը մնացել է տարեկան 0,4 տոկոս։
Բանկի ղեկավարությունը հաստատել է որոշիչ դրույքները գոնե մինչեւ 2019թ․ ամառվա վերջը անփոփոխ թողնելու մտադրության մասին։
Դիտորդները կարծում են, որ Եվրոպական Կենտրոնական բանկի բազային տոկոսադրույքները այժմ կարող են փոխվել միայն 2019թ․ հոկտեմբերի վերջին պաշտոնից բանկի նախագահ Մարիո Դրագիի հեռանալուց հետո։
