Մեզ համար կարեւոր է Լեռնային Ղարաբաղում ուժերի հավասարակշռությունն ապահովելը եւ կարեւոր չէ՝ ինչ ճանապարհով՝ լինի ԱՄՆ-ի կամ մեկ ուրիշի օգնությամբ: Այս մաին հոկտեմբերի 26-ին Ազգային ժողովում ավանդական ճեպազրույցների ժամանակ ասաց ՀՅԴ խորհրդարանական խմբակցության ղեկավար Արմեն Ռուստամյանը:
Նա նշեց, որ Ադրբեջանը զենք է ձեռք բերում ոչ միայն Ռուսաստանից. «Հայաստանն այդ էլ չունի: Հետեւաբար կա հատված, որը Հայաստանը կարող է լրացնել՝ ելնելով իր կենսական շահերից», - բացատրեց Ռուստամյանը:
Հիշեցնենք, որ ԱՄՆ նախագահի ազգային անվտանգության հարցերով խորհրդական Ջոն Բոլթոնը նախօրեին Երեւանում պնդել էր, որ «ամերիկյան զենքը ցանկացած դեպքում ավելի լավն է, քան ռուսականը»: Նա նաեւ խոստովանել էր, որ Թրամփի վարչակազմը փորձում է շրջանցել 907-րդ ուղղումը, որը սահմանափակում է Ադրբեջանին տրամադրվող օգնությունը, այդ թվում, զենքի վաճառքի մասով:
