News
Լրահոս
News
Երկուշաբթի
Հուլիս 22
USD
476.48
EUR
535.52
RUB
7.56
ME-USD
0.17
Տեսնել լրահոսը

Թեեւ Վրաստանում նախագահական պաշտոնը արարողակարգային բնույթ կունենա, ներկա ընտրարշավը կարելի է իշխանությունների եւ Միխայիլ Սաակաշվիլու նախկին կողմնակիցների միջեւ դիմակայության յուրօրինակ հարթակ համարել: Այս մասին NEWS.am-ի թղթակցի հետ զրույցում հայտնեց Հայաստանի պետական կառավարման ակադեմիայի Տարածաշրջանային հետազոտությունների կենտրոնի գիտաշխատող Ջոննի Մելիքյանը:

Նրա կարծիքով, Վրաստանում առաջիկա նախագահական ընտրություններում կարեւոր է մասնակցությունը: Բարձր մասնակցությունը կարող է արդեն առաջին փուլում իշխող կուսակցության աջակցությունը վայելող անկախ թեկնածուի հաղթանակը ապահովել: Սալոմե Զուրաբիշվիլիի հաղթանակի հավանականության թեման զարգացնելով, Մելիքյանը նշեց, որ ըստ հարցումների արդյունքների, նրա հաղթանակի հավանականությունը 50 տոկոսից մի փոքր բարձր են գնահատում այն դեպքում, եթե ընտրությունները ավարտվեն առաջին փուլով:

Փորձագետի կարծիքով, դրանով էլ բացատրվում է ընտրություններում ընտրողների բարձր մասնակցությունը ապահովելու Զուրաբիշվիլիի կողմնակիցների ցանկությունը:

«Ընդհանուր առմամբ, ընտրություններում բարձր մասնակցություն ապահովելու ցանկությունը նկատվում է Վրաստանի ողջ քաղաքական էլիտայի մոտ, ինչը  վկայում է ապագա նախագահի լիազորությունների հետ չկապված խոստումների մասին, որոնք հնչում են բազմաթիվ թեկնածուների կողմից: Մասնավորապես, դա վերաբերում է քաղաքացիների սոցիալ-տնտեսական կյանքի բարելավման կարգախոսներին, թեեւ նախագահի լիազորությունները արարողակարգային են լինելու», - ընդգծեց նա:

Փորձագետը հավելեց, որ ներկայիս նախագահական ընտրությունները Վրաստանի համար խորհրդարանական կառավարման համակարգի անցման գործընթացում վերջնական փուլ կդառնան:

Ինչ վերաբերում է հաղթանակի համար հիմնական մրցակիցների պայքարի ռազմավարությանը, ապա, ըստ Մելիքյանի, հիմնականում կիրառվում է քաղաքական հակառակորդների վարկաբեկման մեթոդը:

 «Եթե Բիձինա Իվանիշվիլու թիմը փորձում է ընտրողներին հիշեցնել Սաակաշվիլու ռեժիմի մասին, որից երկրի շատ բնակիչներ դժգոհ են, ապա նրանց ընդդիմախոսները` ի դեմս Միխայիլ Սահակաշվիլիի, Դեյվիդ Բաքրաձեի եւ Գրիգոլ Վաշաձեի նախկին կողմնակիցների, ընտրողների ուշադրությունը կենտրոնացնում են սոցիալ-տնտեսական դրության վատթարացման վրա, մասնավորապես նշելով գործազրկության աճը եւ ազգային արժույթի արժեզրկումը», - նշեց փորձագետը:

Ջոննի Մելիքյանի գնահատմամբ, նախագահական ընտրություններում իշխող կուսակցության թեկնածուի պարտությունը կարող է նշանակալի դեր խաղալ հաջորդ խորհրդարանական ընտրություններում, ուստի «Վրացական երազանք» կուսակցությունը ձգտելու է ապահովել իր թեկնածուի հաղթանակը:

Փորձագետը նշեց, որ իշխանության թեկնածուի հաղթանակի ապահովման գործում առանցքային դեր կարող են խաղալ «Վրացական երազանք» կուսակցության լուրջ ֆինանսական հնարավորությունները, որն աջակցում է Սալոմե Զուրաբիշվիլիին:

Հիշեցնենք, որ այս կիրակի Վրաստանում տեղի կունենան նախագահական ընտրություններ: Ընդհանուր առմամբ պետության ղեկավարի պաշտոնի համար պայքարում է 25 թեկնածու:

Հաղթանակի հիմնական հավակնորդներն են Միխայիլ Սահակաշվիլիի օրոք խորհրդարանի նախկին խոսնակ, «Եվրոպական Վրաստան» կուսակցության նախագահ Դավիթ Բաքրաձեն, նույն ժամանակահատվածում նախկին արտգործնախարար Գրիգոլ Վաշաձեն, ինչպես նաեւ իշխող «Վրացական երազանք» կուսակցության աջակցությունը վայելող Սալոմե Զուրաբիշվիլին:

 

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պարոն Գաբունիան ինձ համար այլեւս լրագրող չէ. Պոզներ
Ոչ թե հակառուսական դիրքորոշման պատճառով, որի իրավունքն ունի, այլ լրագրության սկզբունքների խախտման…
Վրաստանի գլխավոր դատախազությունը Թբիլիսիի ցույցերը հեղաշրջման փորձ է անվանել
«Այդ փորձի իրականացման առաջին փուլում խորհրդարանի շենքը գրոհի է ենթարկվել...
Թբիլիսիում վնասվածք ստացած հայ ցուցարարը վերակենդանացման բաժանմունքից կտեղափոխվի պալատ. դեսպանություն
Նրանց փոխանցմամբ` Դավիթ Գրիգորյանի առողջական վիճակը գնահատվում է կայուն, եւ վերջինս այսօր կամ վաղը վերակենդանացման բաժանմունքից կտեղափոխվի պալատ...
Վրաստանում թաքցնում են բողոքի ակցիայի ժամանակ վիրավորված Դավիթ Գրիգորյանի վիճակի մասին տեղեկությունը
Հունիսի 26-ին տուժած Դավիթ Գրիգորյանը մինչեւ երեկ կոմայի մեջ էր...
Թբիլիսիում բախումների հետևանքով տուժածների թվում է Վրաստանի քաղաքացի Դավիթ Գրիգորյանը. Նրան վիրահատել են
Դեսպանությունը մշտական կապ է պահպանում բժիշկների հետ և Դավիթ Գրիգորյանի առողջական վիճակի մասին հանդես կգա հայտարարություններով...
Վրաստանի խորհրդարանի նախագահ է դարձել Առչիլ Թալաքվաձեն
Նա նշել է, որ Վրաստանի խորհրդարանի նախագահ լինելն իր համար մեծ պատասխանատվություն է...