ՀՀԿ-ում տրամադրված են, որ ՀՀԿ-ն փոխի իր դեմքը եւ մաքուր դեմքով գնա արտահերթ խորհրդարանական ընտրությունների: Այս մասին այսօր՝ հոկտեմբերի 26-ին լարգրողների հետ հանդիպմանն ասաց ԱԺ նախկին պատգամավոր, ՀՀԿ-ական Լեռնիկ Ալեքսանյանը:
«Հեղափոխությունը ստիպեց, որ Հանրապետական կուսակցությունը մաքրվի: Այսօր ՀՀԿ-ն ինքնամաքրման գործընթացում է: Ինքնամաքրման գնալով՝ ՀՀԿ-ն ձեռք կբերի ժողովրդի վստահությունը»,-ասաց նա:
Պատգամավորի խոսքով՝ պետության համար լավ կլինի, որ ՀՀԿ-ն նեկայացված լինի խորհրդարանում:
«ՀՀԿ-ն այսօր էլ ունի պոտենցյալ եւ շանս՝ հայտնվելու խորհրդարանում, դրա նախապայմանը անցած ուղին է եւ ժողովրդի մոտ ունեցած վստահությունը»,-նշեց նա:
Նրա խոսքով՝ ՀՀԿ-ն ժամանակ է կորցրել՝ չմասնակցելով Երեւանի ավագանու ընտրություներին.
«Չպետք է քաղաքական ուժը մի կողմ քաշվի ընտրական պրոցեսներից»,-նկատեց նա: