Ղարաբաղյան հակամարտությունը կարելի է կարգավորել միայն մեկ ճանապարհով եւ այդ հարցում պետք է միասնական դիրքորոշում լինի: Հոկտեմբերի 26-ին՝ Ազգային ժողովում ավանդական ճեպազրույցների ժամանակ, այս մասին հայտարարվեց «Ծառուկյան» դաշինքի խորհրդարանական խմբակցության քարտուղար Վահե Էնֆիաջյանը`մեկնաբանելով ԱՄՆ նախագահի անվտանգության հարցերով խորհրդական Ջոն Բոլթոնի՝ Նիկոլ Փաշինյանի հաղթանակի դեպքում ղարաբաղյան հակամարտության կարգավորման ուղղությամբ վճռական քայլերի մասին հայտարարությունը:
Պատգամավորի կարծիքով, ղարաբաղյան խնդիրը կարելի է լուծել բացառապես խաղաղ ճանապարհով, եւ այս հարցն այլընտրանք չունի: «Առանց Ղարաբաղի ժողովրդի կամքի արտահայտության այս հարցը չի կարող լուծվել», - հավելեց նա:
Հիշեցնենք, որ նախօրեին Երեւանում կայացած ասուլիսի ժամանակ ԱՄՆ նախագահի անվտանգության հարցերով խորհրդական Ջոն Բոլթոնը հայտարարել էր, որ եթե դեկտեմբերին խորհրդարանական ընտրությունների արդյունքում Նիկոլ Փաշինյանի կուսակցությունը մեծ մանդատ ստանա, դա լավ հնարավորություն կլինի ղարաբաղյան հակամարտության կարգավորման ուղղությամբ վճռական քայլերի ձեռնարկման համար:
