Ադրբեջանական մեդիապորտալի ղեկավար Իքրամ Ռահիմովին առեւանգել են քաղաքացիական անձինք եւ տարել անհայտ ուղղությամբ:
Նրան հետապնդում են երկրի նախագահի հասարակական-քաղաքական հարցերով օգնական Ալի Հասանովին ուղղված քննադատությամբ բաց նամակի հրապարակման համար, հայտնում է contact.az-ը:
Մինչ առեւանգվելը նա հասցրել է Turan գործակալությանը հայտնել, որ իր BMW ավտոմեքենային հետապնդում են անհայտ անձինք սպիտակ Hyundai Sonta-ով: Ավելի ուշ Ռահիմովը հայտնել էր, որ կարողացել է հետապնդողներից ազատվել եւ գալիս է Turan գործակալության գրասենյակ: Գրասենյակ գալով՝ Ռահիմովը Turan-ի տնօրեն Մեհման Ալիեւին հայտնել է, որ իր ավտոմեքենան, այնուամենայնիվ, արգելափակել էին Ասքյուրյու ռեստորանի մոտ մայրուղու վրա, սակայն կարողացել էր հետապնդողներից ազատվել: Նրա խոսքով՝ նրանք չորսն էին: Ռահիմովը հայտնել է, որ զանգահարել է ՆԳՆ՝ հայտնելով տեղի ունեցածի մասին: Սակայն փողոց դուրս գալով՝ Ս. Ռահիմովին բռնել են նրան հետապնդող անձինք եւ տարել իրենց ավտոմեքենայով:
Նախկինում Ռահիմովը բազմիցս հանդես է եկել Ա. Հասանովի քննադատությամբ լրատվության ոլորտում իր քաղաքականության համար: Նրա կայքերը բազմիցս արգեկափակվել են առանց դատարանի որոշման, իսկ նա ենթարկվել է բացահայտ ճնշման:
