Պաղեստինյան «Իսլամական ջիհադ» խմբավորումը հայտարարել է, որ համաձայն է դադարեցնել Իսրայելին հրթիռային հարվածներ հասցնելը՝ ի պատասխան Եգիպտոսի միջնորդական ջանքերի, փոխանցում է Press Association-ը:
«Ինչպես հայտնել է իրանցիների կողմից աջակցվող խմբավորման ներկայացուցիչ Դաոուբ Շեհաբը, իրենց շարժումն անմիջապես դադարեցնում է հրթիռային հարձակումները»,- փոխանցում է գործակալությունը:
Ավելի վաղ Իսրայելը Իրանին եւ Սիրիային մեղադրել էր Գազայի հատվածից հրթիռային հարվածներ հասցնելու մեջ:
Նշվում է, որ հարձակումները հաջորդել են 4 պաղեստինցիների զոհվելուն, որոնք մասնակցում էին Իսրայելի եւ Գազայի հատվածի սահմանին բողոքի ցույցերին:
Գործակալությունը հայտնում է, որ եգիպտացի միջնորդները մի քանի շաբաթ տարածաշրջանում են՝ փորձելով կանխել Իսրայելի եւ Գազայի միջեւ լայնածավալ պատերազմը:
