Իրանի դեմ ԱՄՆ-ի պատժամիջոցների երկրորդ փուլի մեկնարկից՝ նոյեմբերի 4-ից հետո ոչ մի նոր բան տեղի չի ունենա եւ այդ պատժամիջոցները իրենց նպատակին չեն հասնի: Այս մասին երկուշաբթի հայտարարել է Իրանի ԱԳ նախարարը, գրում է ԻՌՆԱ-ն:
Մոհամմադ Ջավադ Զարիֆը Ստամբուլ այցելելով, որտեղ տեղի կունենա Իրանի, Թուրքիայի եւ Ադրբեջանի արտգործնախարարների եռակողմ հանդիպումը, նշել է, որ Թեհրանի դեմ Վաշինգթոնի պատժամիջոցները չեն հասնի իրենց տնտեսական եւ քաղաքական նպատակներին:
Նա նշել է, որ Իրանի նկատմամբ ԱՄՆ-ի պատժամիջոցների երկրորդ փուլը հիմնականում հոգեբանական ազդեցություն ունի:
Զարիֆը նշել է, որ Իրանը պատժամիջոցների հոգեբանական ազդեցությանն ականատես է եղել վերջին 6 ամիսների ընթացքում, երբ ԱՄՆ-ն դուրս է եկել Իրանի միջուկային ծրագրի վերաբերյալ միջուկային համաձայնագրից:
Իրանի արտգործնախարարը նշել է, որ Թեհրանի հետ հավիշների համար ԵՄ-ի հատուկ մեխանիզմի իրականացումը հավանաբար հետաձգվում է ամերիկացիների սաբոտաժի եւ ճնշման պատճառով:
Զարիֆը հույս է հայտնել, որ Իրանի հետ հաշիվների համար ԵՄ-ի հատուկ մեխանիզմի իրականացման արդյունքում ԱՄՆ-ն դեռեւս մեկուսացված կլինի միջազգային հանրությունում:
Նա նշել է, որ բացի որոշ տարածաշրջանային պետություններից ոչ մի այլ երկիր Վաշինգթոնի գործողություններն Իրանի դեմ չի պաշտպանում: