KhalifaSat արբանյակը, որը երկուշաբթի ճապոնիայի Տանեգասիմա տիեզերակայանից հաջողությամբ դուրս էր բերվել ուղեծիր, համարվում է «առաջին արաբական արբանյակը»: Այս մասին հայտնել է ԱՄԷ փոխնախագահ, փոխվարչապետ, Դուբայի ղեկավար, շեյխ Ռաշիդ Ալ Մաքթումը, հաղորդում է «ՌԻԱ Նովոստին»:
«ԱՄԷ-ի համար առաջին պատմական օրն է՝ KhalifaSat-ի գործարկումը՝ առաջին արաբական արբանյակի, որը 100 տոկոսով ստեղծվել է էմիրաթցիների կողմից», —Twitter-ում գրել է ալ Մաքթումը:
KhalifaSat արբանյակով Н2-А հրթիռի արձակումը տեղի է ունեցել երկուշաբթի, Երեւանի ժամանակով առավոտյան 8-ին:
KhalifaSat-ը երրորդ արբանյակն է, որը ստեղծվել է Մուհամեդ բեն Ռաշիդի Տիեզերական կենտրոնի կողմից հարավկորեական Satrec Initiative ընկերության համագործակցությամբ եւ առաջինը, որի մշակումն ու արտադրությունն ամբողջությամբ կատարվել է էմիրաթցի գիտնականների եւ ինժեներների կողմից:
Արաբական Միացյալ Էմիրություններից 70 ինժեներներ աշխատել են արբանյակի ստեղծման վրա, որոնցից 10-ը Ճապոնիա են մեկնել որպեսզի արձակման համար վերահսկեն KhalifaSat-ի նախապատրաստումը: Սա առաջին դեպքն է, երբ ԱՄԷ-ն իր արբանյակների արձակման համար օգտվում է JAXA ճապոնական ավիացիոն գործակալության ծառայություններից:
KhalifaSat արբանյակը 330 կգ կշիռ ունի եւ նախատեսված է երկրի մակերեւույթի դիտարկումների համար: Նրա կողմից արված պատկերները կօգտագործվեն շրջակա միջավայրի մոնիթորինգի, աղետների դեմ պայքարի, քաղաքաշինության ծրագրման եւ այլ նպատակների համար:
