Apple–ի օպերացիոն համակարգի հերթական տարբերակի առաջին նշանակալի թարմացումը՝ iOS 12.1–ը կարելի կլինի ներբեռնել արդեն այս շաբաթ, հայտնում է Vesti–ն։ Սեպտեմբերի սկզբին հասանելի դարձած iOS 12–ին նոր հնարավորություններ կավելանան 12.1–ում։ Թարմացման ներբեռնումը հասանելի կդառնա արդեն հոկտեմբերի 30-ի երեկոյան։
iOS 12.1–ի հիմնական նորույթը FaceTime–ով խմբակային տեսազանգի հնարավորությունն է, որը Apple–ը նախապես հայտարարել էր iOS 12–ի համար, սակայն սեպտեմբերի սկզբին վերջնական մշակել չէր հասցրել։ Գործառույթը թույլ կտա միանալ մինչեւ 32 օգտատերերի չաթին աուդիո– կամ տեսազանգի ռեժիմում։
Նաեւ iOS 12.1–ը իրականացրել է երկու SIM քարտերի մշակում (մեկը ֆիզիկական եւ մեկն էլ էլեկտրոնային eSIM) iPhone XS–ի, iPhone XS Max–ի եւ iPhone XR–ի համար։