Վայրի բնության համաշխարհային ֆոնդը (WWF) հայտնել է, որ 1970 թվականից 2014 թվականը Երկրագնդում 60 տոկոսվ կրճատվել է կաթնասունների, թռչունների, սողունների, երկկենցաղների եւ ձկների թիվը: Այսպիսի տվյալներ են պարունակվում ֆոնդի հրապարակած զեկույցում, փոխանցում է Gazeta-ն:
WWF գլխավոր տնօրեն Մարկո Լամբերտինին հայտարարել է, որ Living Planet Index-ի տվյալները վկայում են վայրի կենդանիների պոպուլյացիաների «զարմանալի» կրճատման մասին: Նա շեշտել է, որ 60 տոկոսով կենդանիների թվի կրճատումը «մռայլ ահազանգ» է եւ «ճնշման» ցուցանիշ, որը մարդիկ գործադրում են մոլորակի վրա:
Զեկույցում նշված է, որ կենդանիների թվաքանակի ամենամեծ անկումը գրանցված է Հարավային եւ Կենտրոնական Ամերիկայի արեւադարձային գոտիներում: Այնտեղ 1970 թվականի համեմատությամբ կենդանիների թվաքանակը կրճատվել է 89 տոկոսով: Նաեւ դիտվում է քաղցրահամ ջրի քանակության զգալի նվազում. քաղցրահամ ջրի ինդեքսը (Freshwater Index) 83 տոկոսով նվազել է:
