Հայաստանը, սկսած ԽՍՀՄ-ի փլուզման հենց սկզբից, միշտ հետեւողականորեն եւ կառուցողականորեն կողմ է հանդես եկել ԱՊՀ-ի ներսում հարաբերությունների պահպանմանն ու զարգացմանը։ Նոյմեբերի 2-ին Աստանայում կայանալիք ԱՊՀ երկրների վարչապետերի խորհրդի նիստին նվիրված «ԱՊՀ շրջանակներում տնտեսական փոխազդեցություն» թեմայով Մոսկվա-Աստանա-Բաքու-Բիշքեք-Երեւան-Քիշնեւ-Մինսկ հոկտեմբերի 30-ին տեղի ունեցած տեսակամուրջի ժամանակ այս մասին ասաց «Ինտեգրում եւ զարգացում» հասարակական կազմակեպության նախագահ Արամ Սաֆարյանը։

Փորձագետի խոսքերով՝ Հայաստանում ԱՊՀ-ն կարեւոր հարթակ են համարում, եւ անգամ թավշյա հեղափոխությունից հետո հանրապետության նոր բարձրագույն պաշտոնատար անձը՝ վարչապետ Նիկոլ Փաշինյանը, բազմիցս հայտարարել է այն մասին, որ արտաքին քաղաքականության այդ ուղղությունը հայկական ժամանակակից իշխանությունների համար հետաքրքրություն է ներկայացնում։ «ԱՊՀ-ի հանդեպ Հայաստանի վերաբերմունքը հասկանալու համար պետք է նկատի ունենալ, որ մենք համաձայն ենք եւ հետեւողականորեն հանդես ենք գալիս հետխորհրդային տարածքում բազմամակարդակ համագործակցության եւ ինտեգրացիայի օգտին»,- հավելեց Սաֆարյանը։

Ընդ որում, նա ընդգծեց, որ ինչքան մեծ է Ռուսաստանի տնտեսական զարգացման աճը, այնքան նա ավելի գրավիչ է ԱՊՀ մյուս մասնակիցների համար։