Մարդու իրավունքների եվրոպական դատարանը (ՄԻԵԴ) Հայաստանի իշխանություններին պարզաբանումներ տալու համար փոխանցել է ակտիվիստ Վարդգես Գասպարիի գործը, որը վերաբերում է Երեւանում 2008 թվականի Մարտի 1-ի իրադարձություններին:
Մասնավորապես, հայցվորը դժգոհ է անարդարացի դատավարությունից եւ կողմերի հավասարության սկզբունքին չհետեւելուն, քանի որ կարծում է, որ դատապարտվել է բացառապես ոստիկանության երկու աշխատակիցների ցուցմունքների հիման վրա, որոնք ոչ հուսալի վկաներ են եղել եւ կեղծ հայտարարություններ են արել, մինչդեռ նրան չի թույլատրվել արդյունավետորեն բողոքարկել մեղադրանքը:
ՄԻԵԴ-ի փաստաթղթում նշվում է, որ քննարկվում է՝ արդյոք դատավարությունն արդար է անցկացվել: Մասնավորապես, արդյոք պահպանվել է կողմերի հավասարության սկզբունքը, հաշվի առնելով այն, որ հայցվորը դատապարտվել է բացառապես ոստիկանության երկու աշխատակիցների ցուցմունքների հիման վրա: Եվ վերջապես, արդյոք նրա անունից վկաների ներկայությունն ապահովելու հնարավորություն տրվել է:
