Արցախի Հանրապետության Նախագահը ԵԱՀԿ ՄԽ համանախագահների հետ հանդիպմանը վերահաստատել է պաշտոնական Ստեփանակերտի հավատարմությունն ադրբեջանա-ղարաբաղյան հակամարտության խաղաղ կարգավորմանը ԵԱՀԿ Մինսկի խմբի շրջանակներում։ Այս մասին NEWS.am–ին հայտնում են Արցախի նախագահի լրատվական ծառայությունից։
Արցախում տեղի ունեցած հանդիպմանը նա վերստին կարեւորել է բանակցային լիարժեք ձեւաչափի վերականգնման անհրաժեշտությունը եւ Արցախի մասնակցությունը հակամարտության կարգավորման բոլոր փուլերին:
Ստեֆան Վիսկոնտիի (Ֆրանսիա), Էնդրյու Շոֆերի (ԱՄՆ), ԵԱՀԿ գործող նախագահի անձնական ներկայացուցիչ Անջեյ Կասպշիկի եւ նրանց ուղեկցող պաշտոնյաների հետ Բակո Սահակյանը խոսել էէ զինադադարի ռեժիմի պահպանմանն ուղղված մեխանիզմների կիրառման անհրաժեշտության մասին`դա համարելով տարածաշրջանում կայունության եւ խաղաղության պահպանման առանցքային բաղադրամասերից:
