Բելգիա-Արցախ հարաբերությունները քննարկել են Արցախի նախագահ Բակո Սահակյանը եւ Բելգիայի խորհրդարանի պատվիրակության անդամները՝ Ժան Ժակ Ֆլաուի գլխավորությամբ: Այս մասին NEWS.am-ին հայտնում են Արցախի նախագահի լրատվական ծառայությունից։
Բակո Սահակյանը գոհունակությամբ նշել է, որ Բելգիայի հետ հարաբերությունները զարգանում են բավականին դինամիկ, հատկապես՝ միջխորհրդարանական հարթությունում՝ ընդգծելով դրա կարեւորությունը եւ պահանջվածությունը Արցախի համար:
Արծարծվել են նաեւ Արցախի ներքին ու արտաքին քաղաքականության եւ տարածաշրջանային գործընթացներին վերաբերող հարցեր:
Հանդիպմանը մասնակցել են արտգործնախարար Մասիս Մայիլյանը, ՀՅԴ Հայ դատի Եվրոպայի հանձնախմբի ղեկավար Գասպար Կարապետյանը, պաշտոնատար այլ անձինք: