Մարդու իրավունքների հարցերով ՄԱԿ գլխավոր հանձնակատար Միշել Բաչելետը դիմել է միջազգային փորձագետներին՝ խնդրելով մասնակցել սաուդյան լրագրող Ջամալ Խաշոգջիի սպանության հետաքննությանը՝ տեղեկացնում է Reuters-ը։
Նա Սաուդյան Արաբիային կոչ է արել բացահայտել լրագրողի մարմնի գտնվելու վայրը՝ ասելով, որ դատական փորձաքննությունը եւ հերձումը «այս ցնցող լկտի հանցագործության» հետաքննության համար շատ կարեւոր են։
Հիշեցնենք, որ սաուդցի հայտնի լրագրող Ջամալ Խաշոգջին հոկտեմբերի 2-ին փաստաթղթեր վավերացնելու համար մտել էր Թուրքիայում Սաուդյան Արաբիայի հյուպատոսություն եւ անհետացել։ Կարծիք կա, որ նրան այնտեղ սպանել են՝ Էր Ռիադի դեմ քննադատական հոդվածներ գրելու համար։ Սաուդյան Արաբիան սկզբում այդ ամենը հերքում էր՝ պնդելով, որ լրագրողը հյուպատոսությունից դուրս գալուց հետո է անհետացել, սակայն այժմ ընդունում է, որ լրագրողը սպանվել է, սակայն՝ «պատահաբար»։ Ռեջեփ Թայիփ Էրդողանը հայտարարել է, որ դա մանրամասն կազմակերպված սպանություն է եղել։