Օդիոզ դեսպանները հետ են կանչվելու։ Այս մասին այսօր՝ հոկտեմբերի 31-ին, ասաց Հայաստանի ԱԳ փոխնախարար Ռուբեն Ռուբինյանը՝ պատասխանելով NEWS.am-ի այն հարցին, թե առաջիկայում որ դեսպաններն են հետ կանչվելու։
«Երբ դեսպանների հետ կանչում լինի, հանրությունն անպայման դրա մասին կիմանա։ Մոտավորապես կարելի է հասկանալ, թե որ դեսպանները հետ կգան։ Գաղտնիք չէ, որ մենք որդեգրել ենք այն քաղաքականությունը, որ քաղաքական նշանակումներ չպետք է լինեն, օդիոզ դեսպանները հետ են կանչվելու», - ասաց նա՝ հրաժարվելով մանրամասնել, թե կոնկրետ ում նկատի։
Հարցին՝ ճի՞շտ են մամուլի տեղեկությունները, թե առաջիկայում հետ է կանչվելու նաեւ Դանիայում եւ Նորվեգիայում ՀՀ դեսպան Ալեքսանդր Արզումանյանը, Ռուբեն Ռուբինյանը պատասխանեց. «Ոչ»:
