2018 թվականից աշխարհի 36 երկրներում սպանվել են ավելի քան 100 լրագրողներ եւ ԶԼՄ-ի աշխատակիցներ: Այս մասին հայտարարել է Press Emblem Campaign հասարակական կազմակերպությունը, որը կոչ է արել միջազգային հանրությանը անկախ հետաքննություն անցկացնել եւ պատասխանատվության ենթարկել այս մահերի համար մեղավորներին:
«Այս տարվա 10 ամիսների ընթացքում սպանված լրագրողների թիվը արդեն գերազանցել է նախորդ տարվա տվյալները: Հունվարից 36 երկրներում զոհվել են 106 լրագրողներ եւ ԶԼՄ-ի աշխատակիցներ», - նշում է Press Emblem Campaign-ը՝ հիշեցնելով, որ 2017 թվականի ընթացքում արձանագրվել է 99 նման սպանություն: Զոհերի թվով այս ցանկում առաջին 3 տեղերը զբաղեցնում են Աֆղանստանը (17), Մեքսիկան (15) եւ Եմենը (8):
Այս տվյալների հրապարակումը նվիրված է նոյեմբերի 2-ին նշվող Լրագրողների դեմ հանցագործությունների անպատժելիության դադարեցման միջազգային օրվան, հաղորդում է ՏԱՍՍ-ը: