ՌԴ վարչապետ Դմիտրի Մեդվեդեւը հրամանագիր է ստորագրել Ուկրաինայի կողմից Ռուսաստանի նկատմամբ կիրառված պատժամիջոցների դեմ պատասխան միջոցների մասին, հաղորդում է ՌԴ կառավարության կայքը:
«Պատժամիջոցները կտարածվեն 322 անհատների եւ 68 իրավաբանական անձանց վրա: Որոշումն ուղղված է Ուկրաինայի կողմից Ռուսաստանի քաղաքացիների եւ իրավաբանական անձանց դեմ ոչ բարեկամական գործողություններին հակազդեցությանը եւ երկկողմ հարաբերությունների կարգավորմանը», - ասվում է փաստաթղթի տեքստում:
Նշվում է, որ փաստաթղթի համապատասխան, հատուկ տնտեսական միջոցներ կկիրառվեն, որոնք նախատեսում են Ռուսաստանի տարածքում անկանխիկ միջոցների, ոչ փաստաթղթային արժեթղթերի եւ գույքի արգելափակում, ինչպես նաեւ Ռուսաստանի սահմաններից դուրս միջոցների փոխանցման արգելք:
Ուկրաինայի դեմ պատժամիջոցները կազդեն 360 ընկերությունների եւ ավելի քան 50 ֆիզիկական անձանց վրա: