ԱՄՆ իշխանությունները համաձայնել են հաջորդ շաբաթ Թեհրանի նկատմամբ պատժամիջոցներ կիրառելուց հետո ութ երկրներին, այդ թվում նաեւ մերձավոր դաշնակիցներին՝ Հարավային Կորեային եւ Ճապոնիային, ինչպես նաեւ Հնդկաստանին իրանական նավթ գնել: Այս մասին հաղորդում է Reuters գործակալությունը՝ վկայակոչելով Bloomberg-ին:
Իրանական նավթի խոշորագույն գնորդները՝ բոլորը Ասիայից, փորձում են ազատվել պատժամիջոցներից, որպեսզի շարունակեն Թեհրանից նավթի որոշակի մաս գնել:
Չինացի պաշտոնյան նշել է, որ ԱՄՆ իշխանությունների հետ բանակցությունները շարունակվում են, եւ արդյունքը առաջիկա օրերին է ակնկալվում:
«Մենք կարծում ենք Թրամփը կհամաձայնի, որ Չինաստանն ինչ-որ մաս ներկրի, նույնքան, որքան թույլատրված է ներկրել Հնդկաստանին եւ Հարավային Կորեային», - ուրբաթ գրել է Height Securities-ից Քլեյթոն Ալենը:
Այնուամենայնիվ, վերլուծաբանները նշում են, որ պատժամիջոցներից ազատվելը միայն ժամանակավոր է հնարավոր: