UNICEF-ի տարածքային տնօրեն Գերթ Կապելերեն հայտարարել է, որ Եմենի իշխանություններն «անհնար են դարձնում» երկրի տարածք հումանիտար օգնության առաքումն ու բաշխումը՝ տեղեկացնում է Associated Press-ը։

Կապելերեն նշել է, որ նման արգելքներն ու խոչընդոտները կարող են ավելի խորացնել երկրում զանգվածային սովը։

Նրա խոսքերով՝ իշխանությունների ներկայացուցիչները թույլ չեն տալիս, որ կազմակերպությունը հնարավորինս արագ կատարի իր աշխատանքը։

Հիշեցնենք, որ նախկինում ՄԱԿ գլխավոր քարտուղարի հումանիտար հարցերով տեղակալ Մարկ Լոուկոկը ԱԽ նիստում հայտարարել էր, որ Եմենի բնակիչներին սովից ոչնչացում է սպառնում։