Բրյուսելը նախատեսում է Լոնդոն ուղարկել 29 անդամից բաղկացած դիվանագիտական առաքելություն, որը կներկայացնի ԵՄ-ն Brexit-ի գործընթացի ավարտից հետո, հայտնում է DW-ն՝ վկայակոչելով ВВС-ն։
Դիվանագիտական առաքելությունը կկոչվի պատվիրակություն, ոչ թե դեսպանություն, եւ կդառնա ԵՄ արտաքին քաղաքական գերատեսչության՝ Եվրոպական արտաքին գործողությունների ծառայության (EEAS) մի մասը: Բացի այդ, առաքելության մի մասը՝ բաղկացած 5 հոգուց, կգտնվի Հյուսիսային Իռլանդիայի մայրաքաղաք Բելֆաստում Հյուսիսային Իռլանդիայի մասին համաձայնագրի իրականացումը վերահսկելու համար:
Եվրահանձնաժողովը ներկայացուցչություններ ունի ԵՄ բոլոր անդամ երկրներում: Ներկայումս Եվրոպական միության բրիտանական գրասենյակում աշխատում է 27 աշխատակիցներից բաղկացած թիմ:
Նշվում է, որ Շոտլանդիայում եւ Ուելսում ԵՄ ներկայացուցչությունները, հավանաբար, կփակվեն:
