«Թալիբան» արմատական շարժման գրոհայինները կենտրոնական Աֆղանստանում կառավարական ռազմաբազա են գրավել, հայտնում է Pajhwok գործակալությունը:
Ուրուզգան նահանգի կենտրոն Թարինքոթի ծայրամասում գտնվող ռազմաբազան գրավելու մասին տեղեկությունը հաստատել են նահանգային խորհրդից, ինչպես նաեւ երկրի պաշտպանության նախարարությունից: Կողմերի կորուստների մասին տեղեկություններ չեն հաղորդվում:
«Թալիբանի» ներկայացուցիչները, միաժամանակ, լրատվամիջոցներին հայտնել են, որ նախօրեին երեկոյան ռազմաբազան գրավելիս սպանվել 10 զինվոր եւ 13-ին պատանդ են վերցրել:
Սա կառավարական ուժերի երկրորդ բազան է, որը մեկ շաբաթվա ընթացքում գրոհայինները գրավում են: Ուրբաթ գիշերը գրոհայինների վերահսկողության ներքո էր անցել հանրային անվտանգության ոստիկանական ստորաբաժանման առանցքային բազան, որը տեղակայված է Շերին Թաղաբ եւ Դավլաթաբադ նահանգների միջեւ:
Գրոհայինները 17 ոստիկանի, 4 տանկ, 2 հրթիռային կայանք, հրազեն եւ զինամթերք էին գրավել Փուլ-ի-Աչա բազայում: Հարձակվողները եւս կորուստներ էին ունեցել, բախումների ժամանակ սպանվել էր 10-ից ավելի գրոհային:
