Ասում էին, որ իմ առաջընթացի համար հայկական սփյուռքը միլիոնավոր դոլարներ է վճարել, եւ ես ասացի՝ վճարե՛ք կանխիկ, եւ ես չեմ աշխատի։ Այս մասին «Մոսկվա-24» հեռուստաալիքին տված հարցազրույցում հայտարարել է հայկական ծագումով ռուս լրագրողուհի Մարգարիտա Սիմոնյանը։
Նրա խոսքերով՝ հայերը հայերին մասնավոր դեպքերում են օգնում։
«Ես երբեք չեմ լսել հայկական սփյուռքի մասին կամ որեւէ մեկի հետ հայկական սփյուռքում չեմ շփվել, եւ հայկական սփյուռքն էլ իմ հանդեպ որեւէ հետաքրքրություն չի դրսեւորել՝ մինչեւ ես Մոսկվայում նկատելի եւ հայտնի մարդ չդարձա»,- ասել է Սիմոնյանը։ Միեւնույն ժամանակ, նրա ամուսինը՝ հայտնի ռեժիսոր Տիգրան Քեոսայանը նշել է, որ «մասնավոր դեպք» ասելով՝ իրենք նկատի ունեն, որ հայկական սփյուռքը օգնում է եկեղեցի կամ մանկապարտեզ կառուցելու հարցում։