Իրանը, ԱՄՆ-ի պատժամիջոցների նորացման հետ կապված, ՄԱԿ-ին եւ միջազգային հանրությանը կոչ է արել պատասխանել Վաշինգտոնի կողմից կազմակերպության կանոնադրության եւ Անվտանգության խորհրդի բանձեւի խախտմանը։ Այս մասին ասվում է ՄԱԿ-ում Իրանի մշտական ներկայացուցիչԳոլյամալի Խոշրոուի նամակում՝ ուղղված կազմակերպության գլխավոր քարտուղար Անտոնիու Գուտերիշին ՝ տեղեկացնում է ՏԱՍՍ-ը։
Նամակում նշվում է, որ ԱՄՆ-ի վերջին միակողմանի գործողություններն ու պատժամիջոցները բացահայտ խախտում են ՄԱԿ ԱԽ 2231 բանաձեւը, որն ընդունվել է ի պաշտպանություն Իրանի միջուկային ծրագրի։ «ԱՄՆ-ը ոչ միայն բացահայտ խախտում է 2231 բանաձեւը, որն ընդունվել է ի պաշտպանություն Իրանի միջուկային ծրագրի, այլեւ այլ երկրների եւս անպատկառորեն ստիպում է դա անել՝ խախտել փաստաթուղթը, որը պետք է կատարվի ՄԱԿ Կանոնակարգի 25-րդ հոդվածին համապատասխան»,- նշել է Խոշրոուն։ Ըստ նրա՝ ԱՄՆ-ի անպատասխանատու վարքագիծը միջազգային հանրության կոլեկտիվ պատասխանի կարիք ունի։
Իրանի մշտական ներկայացուցիչը նաեւ նշել է, որ Թեհրանը նախկինի պես կատարում է Համատեղ համընդգրկուն գործողությունների պլանին վերաբերող պարտավորությունները՝ չնայած գործարքից Վաշինգտոնի դուրս գալուն։
