Իրանական ատոմային ծրագրի Գործողությունների համատեղ համապարփակ պլանի իրականացման ընթացքի քննարկման համատեղ հանձնաժողովի անդամները՝ միջազգային միջնորդների «հնգյակը» (Չինաստան, Ֆրանսիա, Ռուսաստան, Մեծ Բրիտանիա եւ Գերմանիա) եւ Իրանը հերթական նիստում, հնարավոր է, աշխատանքը կենտրոնացնեն ԱՄՆ նոր պատժամիջոցների պայմաններում միջուկային գործարքի տնտեսական դրույթների կատարման վրա: Այս մասին ՏԱՍՍ-ին հայտնել է Վիեննայում միջազգային կազմակերպությունում ՌԴ մշտական ներկայացուցիչ Միխայիլ Ուլյանովը:
«ԱՄՆ պատժամիջոցների երկրորդ ալիքի մասին ծրագրերը վաղուց էին հայտնի, եւ վերջին իրադարձությունները ոչ մեկի համար անակնկալ չէին: Հանձնաժողովը, ամենայն հավանականությամբ, կկենտրոնանա այն բանի վրա, թե ԳՀՀՊ տնտեսական դրույթների առավելագույն իրականացումն ինչպես ապահովի ամերիկյան ընդլայնված պատժամիջոցների պայմաններում»,- նշել է Ուլյանովը:
Նա հավելել է, որ «հնգյակը» եւ Իրանը քննարկում են համատեղ հանձնաժողովի հերթական նիստի անցկացման ժամկետը, որպեսզի դիտարկեն ԱՄՆ նոր պատժամիջոցների սահմանումից հետո միջուկային գործարքի կատարման հարցը: