Եվրամիությունը Իրանի հետ միջուկային գործարքում փոփոխություններ կատարելու անհրաժեշտություն չի տեսնում, հավատարիմ է դրա իրականացմանը: Այդ մասին երեքշաբթի հայտարարել է Եվրամիության գործադիր կոլլեգիայի պաշտոնական ներկայացուցիչ Մարգարիտիս Սխինասը, հաղորդում է «ՌԻԱ Նովոստին»:
«Մենք լիովին հավատարիմ ենք Իրանի միջուկային գործարքի իրականացմանը, եւ կշարունակենք հետեւել դրան, քանի դեռ Իրանն այն կատարում է: Ատոմային էներգիայի միջազգային գործակալությունն արդեն 12-րդ անգամ հաստատել է այդ, որը միակ հաստատությունն է, որը իրավասու է գնահատական տալ», - Բրյուսելում լրագրողներին ասել է նա:
Ըստ նրա, ԵՄ-ն միջազգային գործընկերների հետ համատեղ «աշխատում է գործարքի պահպանման համար»: