Ավստրալիայի Հայկական ազգային կոմիտեն շնորհակալություն է հայտնել Վանուատուի վարչապետ Շարլոտ Սալվային, քանի որ նա Խաղաղօվկիանոսյան տարածաշրջանի երկրների ղեկավարներից առաջինն է, որ հարգանքի տուրք է մատուցել Հայոց ցեղասպանության զոհերի հիշատակին։
Շարլոտ Սալվայը Երեւանում Ֆրանկոֆոնիայի գագաթաժողովի օրերին այցելել է Ցեղասպանության զոհերին նվիրված հուշահամալիր։
Վանուատուի գերագույն հանձնակատարին գրված նամակում Հայկական ազգային կոմիտեն նշել է, որ լինելով տարածաշրջանում հայկական ամենամեծ համայնքի ներկայացուցիչները՝ իրենք շնորհակալ են նրան՝ Հայոց ցեղասպանությունը ճանաչելու համար։
