2017թ․ Արեւային համակարգում հայտնաբերված սիգարանման օբյեկտը, հնարավոր է, այլմոլորակային օդանավ է, որ եկել է Երկիրն ուսումնասիրելու՝ տեղեկացնում է USA.one-ը։ Այս ենթադրությունն արել են Հարվարդի համալսարանի աստղագետները։ Օբյեկտը, որ ստացել է Oumuamua անվանումը, առաջին անգամ հայտնաբերվել է Հավայան կղզիներում, 2017թ․՝ Pan-STARRS-1 աստղադիտակով դիտելիս։
Այդ ժամանակից սկսած գիտնականները չեն կարողանում ընդհանուր եզրակացության գալ, թե ինչ էր դա։ Ոմանք այն կարծիքին են, որ աստղակերպ կամ գիսավոր է, մյուսները հերքում են նման վարկածը՝ այդ երկնային մարմինների համար տարօրինակ վարքագծի պատճառով։ Արդյունքում անհայտ մարմինը դասել են «միջաստղային մարմինների նոր շարքին»։ «Oumuamua-ն կարող է զոնդ լինել, որը Երկիր է ուղարկվել այլ քաղաքակրթությունների կողմից»,- գրում են Հարվարդի դասախոսներ Աբրահամ Լեբն ու Շմուել Բյալին։
Հայտնի է, որ օբյեկտի երկարությունը 500 մետր է, լայնությունը՝ 80։ Այն շարժվում է 315,4 հազար կմ/ժ արագությամբ։