Նիդեռլանդների ԱԳ նախկին նախարար Ֆրանս Թիմերմանսը, ով այժմ զբաղեցնում է Եվրահանձնաժողովի փոխնախագահի պաշտոնը, մտադիր է իր թեկնածությունը դնել նախագահի պաշտոնի համար։ Նա հայտարարել է, որ պետք է եվրոպական խնդիրների մասին ծրագրերով դիմակայել այն քաղաքական ուժերին, որոնք 2019թ․ մայիսի վերջին Եվրախորհրդարանի ընտրություններում հանդես են գալու բաժանված Եվրոպայի օգտին՝ տեղեկացնում է DW-ն։
Արդիական թեմաներից նա նշել է, մասնավորապես, կլիմայի փոփոխությունը, տեխնոլոգիական գործընթացները, սոցիալական ստանդարտների իջեցումը, ինչպես նաեւ սպառնալիքները ՌԴ եւ ԱՄՆ նախագահների կողմից, ովքեր, ըստ Թիմերմանսի, ուզում են պառակտել Եվրոպան։
